[poem=font="Simplified Arabic,5,black,normal,normal" bkcolor="transparent" bkimage="backgrounds/7.gif" border="none,4,gray" type=2 line=0 align=center use=ex num="0,black"]
اشهد اني كل ماقلبي هدا=جددت دنيا الكدر فيني طعون
وكل ما هم(ن) من ايامي غدا=اقبلت دنياي بهموم وضنون
وكل ما فكري تجمّع واهتدا=جاتني حاله تبعثر لي السكون
صابر(ن) ياالله عسى عقبه ودا=من صبر يلقى مشاغيله تهون
والتعب لي من على ابن آدم بدا=ماحسب للي مضو واللي يجون
وان بدا العالم بعينه اسودا=كنـّه اللي طول عمره في الجنون
وش دواء اللي صابته دنيا الردا=قدّر الخالق وما راده يكون
لي دعا شخص(ن) رجع صوت الصدا=يالله الخيره.. من اللي يشمتون
وان شكا يلقى عدو(ن) يحسدا=مايفيده لو جرى دمع العيون
يا الذي عني وحالي تنشدا=شعري ابلغ من وصف فيني الشجون
من زماني اللي تعدا واعتدا=ساقني سوق المهالك والمنون
كان حظي في المدى ماخذ مدا=لين صار الحظ في غيب السجون
وكان صوتي لي سمع صوت(ن) شدا=يسمعه حتى الذي مايسمعون؟!
وكان فكري صافي(ن) ومجددا=فكر يغرف كل شكل وكل لون
وكان قلبي للضروف معوّدا=مايهمه عثرة اللي يعثرون
كم قريب وكم صديق(ن) مجدا=قال دربك درب لي هم يوصلون
بكره ايامك تزين وتسعدا=تغمر الفرحه فوادك!! .. يكذبون
عمري اتـّعدا الثلاثين وعدا=لاتهنيته ولا هم يحزنون[/poem]
رد مع اقتباس
