سلام عليكم ورحمة الله وبركاته
اليكم هذه المتواضعه وارجو تمريرها
[poem=font="Simplified Arabic,5,darkred,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ما لقيت احلا من ايام الطفوله=واهني الورع دايم في سعاده
ما يعرف الهم وش عرضه وطوله=يمرح ولا داخ حطوله وساده
مستريح القلب ما فكت قفوله=ما يفكر فالزمان وفي جهاده
لاهيٍ في عالمه يتبع ميوله=في صحاصيح الخلا يشعب جواده
كل مايطري على باله يقوله=مابلغ سن الزرايا والنقاده
الهموم ان عودة ماهي بحوله=عنه بعد اصفر عفيف عن الحماده
ما درى انه لاكبر ثقلت حموله=كل يوم هموم قلبه في زياده
كان عاش يشوف في دنياه هوله=ياخذ الاخبار من روس العواده
يوم كل فالخلا يشعب ذلوله=يطرد الدنيا ورى شربه وزاده
من كثر ماجاه بايدةٍ هموله=ومن زرع زرعٍ يبا يجني حصاده
مايجي كسب المعالي بالسهوله=الزمن يحتاج له صبر وجلاده
هاكذا الدنيا لها صوله وجوله= والحضيض اللي على الله اعتماده
مؤمنٍ بالله ومحمد رسوله=يعبد الله خالقه حق العباده[/poem]
وسلامتكم