************************************************
[بوناسيرا عليكم وعلي عيونكم يا ناس يا عسل
مساء القشطة علي عيونكم يا أحلي ناس بالمنتدى
السلام عليكم جميعآ ( آه وربنا عليكم جميعآ )
وعلي كل اللى حاضرين ومشرفين ومنورين وملعلاطين
أما بعدين 00
أنت يا عم ياللى بتسأل فوق أنت يا جدع00 مافيش حد لسه يعرفنى هنا
بس ربنا يسهل ويكرم كده والناس العسل دى هاتعرفنى
بإذن واحد أحد ومن غير مقاطعه قول إن شاء الله
وعلشان الناس السكر دى تعرفنى !! لازم أعرفهم بنفسي الأول
إحم إحم 00
أنا إيطاليانو ( أوعى حد يفتكر إنى طاليانى لا سمح الله )
أنا مصريآ ووالدى مصريآ ( ولو لم أكن مصريآ لوددت أن اكون مصريآ )
عايش هنا في بلاد الغربة ( ميلانو ) بشتغل هناك وربنا يسترها بقي !!
مسلم وموحد بالله ( والحمد لله )
وده تعريف مؤقت بس لحد ما أنزل أرض الملعب ( قصدي المنتدى )
ونتقابل مع بعض
بس أوعوا حد يزعل منى ( أنا غلبان والله ) أصل هزارى تقيل شوية00
{ فهل من مُرحب يُرحب بالمُرحب بترحيبُه اللى هو أنا }
واللى مش عايز يرحب ( هو حر ) بس ذنبه علي جنبه ههههههههههه
فإيه رأيكم بقي يا جماعه
أقعد معاكم ووسطكم ولا ألملم شنطتى واكلفت هدومى وأتوكل علي الله
وأخدها من قصيرها وأمشي !!
هاه إيه رأيكم !!
{ إيطاليانو } في إنتظاركم