[poem=font="Simplified Arabic,6,black,bold,normal" bkcolor="transparent" bkimage="" border="double,4,gray" type=2 line=0 align=center use=ex num="0,black"]
يزعل القطن لامن قلت ملمسك صـوف=وتفرح الفضه ان بيعت بسوق الذهـب
مبصر القلب لو عميت عيونه يشـوف=وصاحب الموهبه يبدع ولو هو عضب
الغلا ماهو مرهونـن بحـب الكتـوف=والحسام المجفـر مـا يسمـى حـدب
يغرق البيـت لا شيـد بليـا سقـوف=وعادة النار تلعب في بيـوت الخشـب
لا تدور عن الرحمه بطبـع الجلـوف=ولا تكاثـر ا ذا سبـك قلـيـل الادب
الرعاديـد لـو تعدادهـم بـا الالـوف=اشجع انسان فيهـم لا دعيتـه هـرب
اي شخص يتصور ما تحـده ظـروف=طول عمره يجي وقته على مـا يحـب
لا تحدتـه بقعـا ماتفيـده حـسـوف=لازم يحب كوعه لو هو اطلـق شنـب
يا مدور عن الفريس وسـط الكهـوف=ارفع الراس طالع ما تشـوف الشهـب
عندنا تولد الجهـال مـن دون خـوف=ولا نوتك الطنايـا مـا تـدور سبـب
دام ربي خلق با الراس عزن ونـوف=ما يهزن اذا بي عـرق نـذل وذنـب
من خذى شرهته با الدس صار معروف=يكسب المـال مـن ذلـه بليـا تعـب
فـي تعابيرنـا شحـاذ خلـه يطـوف=وفي تعابيرنـا يعـدي بدمـه جـرب
هيئة الثور الادرع تفرق عن الخـروف=الغبي جا يبيها مـزح صـارت نشـب
مرتن يدخـل برجـال مـره هنـوف=تعرفه في بعضهن خـص لا مـن ( )
شخص يعلن طلاقه في مجرد حلـوف=اعرف انه بكل اللي حلـف بـه كـذب
يزعل القطن لامن قلت ملمسك صـوف=وتفرح الفضه ان بيعت بسوق الذهب[/poem]
رد مع اقتباس
