,
,
,
مساء الورد والعذوبة والرقة لكل القلوب الحاضِرة هنا...
.
.
[poem=font="Simplified Arabic,5,darkred,bold,normal" bkcolor="burlywood" bkimage="" border="inset,7,chocolate" type=2 line=0 align=center use=ex num="0,black"]
,
,
,
الله يبيح إللي نوى القلب بجروح=وإللي نواني بغدر ربي يبيحه
لاصار جاهل فالخطا منه مدموح=ماهمني المترديه و النطيحه
وإن عاد كررها فلا هوب مسموح=إن عادها ضاقت عليه الفسيحه
تهون لحظتها ولو نزعة الروح=إن كان ما خلي الوهم يستبيحه
ماضاقت أخلاقي على كل مشفوح =وما اهتزت أعصابي على كل طيحه
ينزل وأنا أرقى عن تفاهات لسفوح=الفكر واعي والملافظ صحيحه
ما اجرح ولا اكسر قلب من كان مجروح=وأصد عنّه لو صدودي يريحه
وماني من إللي تذرف الدمع وتنوح=لانيب مكسوره ولاني جريحه
الله عطاني دمع ماهوب مطروح =إلا إذا بستغفره واستميحه
ومن حبني في الله منزاله الروح= وأهديه من زهر الخزامى وشيحه
بنيت بالطيبة مقامات وصروح= وسط القلوب الراقية والصحيحة
أنام وهمومي عن الخافق تروح= وأغمض عيوني وأنا مستريحه
أمشي مع العالم كما كتاب مفتوح= اسمي أمل عبدالعزيز الصريحة
أضحك ليا صارت سواليف ومزوح= وانظم ليا جادت علي القريحة
وأعتب على العاقل ليا خانه البوح= وأقبل عتب من يبذلون النصيحه
أعرف صدى الصادق ولو كان مبحوح= والداب تفرق مشيته عن فحيحه
ومقدر أعديها إذا الجهل مفضوح=الصمت عن جلَّ المهازل فضيحه
والماء خلقه الله عذبٍ ومملوح=والناس فيهم كل صنف وشريحة
اشرب قراح العذب لـو فيه مصلوح= وتعاف روحي ورْد عينٍ شحيحه
هذا طريقي ممتلي سطوع ووضوح = القلب صافي والمواقف رجيحه
وصلاة ربي عدّ ما سجل اللوح= على النبي اللي علينا مديحه
,
,
,
[/poem]
رد مع اقتباس
المشاركة الأصلية كتبت بواسطة أمل عبدالعزيز
