[poem=font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يا هية ياللي جمعكم مثل الاخوان=والكل يبي يضهر مع الناس طيبة
ووقت الرخا تطرون بندق ونيران=ومستودعات وشي محدٍ يجيبة
وصفوف وحده لا وقلوب شجعان=وعلوم ما تطري علي القلب ريبة
وشيٍ لك الله من يبديه غلطان=فيه اللي ابدى منه شيٍ مصيبة
شيٍ كما اللي يسبقة كان ما كان=يعني خرفات وعلومٍ عجيبة
يا حليلهم يبغى يردون الازمان=يا حليلهم من دون نصر وغليبة
وليا افترسهم ذيب معزى وطليان=دسم مخاليبة وجفف لعيبة
يعني ليا جاء بوش صمٍ وعميان=وراحت لك علوم الأشقى كئيبة
والكل منهم يحسب فلان خوان=وفلان متوقع خيانة غريبة
وقام ايتنشد بينهم قوم واعوان=ويروح ما ينبت به الراس شيبة
ولا يترك الا كل خاين ومنهان=واطلق شنب فيهم معه وسط جيبة
الله يا وقتٍ سبقنا ولا حان=منه العدو للحين يونس لهيبة
يوم الفتى يا خوك ينطح له اوطان=ولا عاشة الأمة بذلٍ وخيبة
هذاك يوم الوقت خيلٍ وفرسان=سطر لنا التاريخ عزٍ وهيبة
ما هو بوقت اليوم يا طير حوران=وقتٍ غدى كلٍ عدوه قريبة[/poem]