المشاركة الأصلية كتبت بواسطة ناصر القزلان
من وحي الاحداث الدراماتيكية التي صاحبت حلقة (( شاعر المليون )) ..
[poem=font="Simplified Arabic,5,black,bold,normal" bkcolor="transparent" bkimage="backgrounds/43.gif" border="none,4,gray" type=1 line=0 align=center use=ex num="0,black"]
يلعن أم الشعر لاصار يطبخ لك طعام = انكر الاصوات ياصاحبي صوت الحمير
لو وقفنا ماوقفنا محبه واحترام = نتفل الشرهه على وجه شحاذ الوزير
وان تفاعلنا مع النص نشربها حرام = كاشفين الوضع يالابس الثوب القصير
ماعرفنا كيف نمشي على حد النظام = والمراكب ماعرفنا وراها ماتسير
انتثر عج المجامل على وجه الغمام = والرحاء عيت على مانبيها تستدير
ضاعت الالوان والشمس غاطيها العسام = والخطا بيّن لعين المفتح والضرير
ياطبول الحرب دقي على روح السلام = وادفني جرح الحشا تحت موجات الاثير
شاعر المليون يفداك ياطير الحمام = القصايد عند هذا وهذا تستجير
لبسوها ثوب جني تحت جنح الظلام = واصلبوها بين دولاب فاضي والسرير
وارتوت من دمعها والهواجس ماتنام = طير مكسور الجناحين والله مايطير
ياوجيه الخير راحت قصايدكم عدام = لجنة التحكيم والراي الاول والاخير
آخر المشوار طاحت على ريش النعام = حطها المغرور ( .......) تحت رجل الامير
الله اكبر من سوياه في سن الفطام = كيف أجل لو صار مسؤول بالديره كبير
والله انه طاح من عين له فيها مقام = نظرة الاعجاب نامت على صوت الهدير
شاعر المليون مبروك لك نلت الوسام = بس لاتفرح ترى العرش كرسيه حصير [/poem]