السلام عليكم ورحمة الله وبركاته
يسعدني الانضمام الى هذا الصرح الشامخ
واشكر كل من قام بدعوتي لهذا المنتدى الرائع
بدايه عسى ان تحوز على شيء من استحسانكم
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
((غزال ن عارضيه))
يا منية العاشق وروحـه وضيـه=ياعشقه المرموق يا أسما معاليـه
ليتك معي في درب عمري خويـه=نقطع طريق العمر والشوق ننهيـه
ياغايتـي بيـن الحنايـا مطـيـه=حنينها يزعج رجـال ن مصاقيـه
ما بين هـم وغـم عيشـه رديـه=جيتك بقلب ن ما لقا مـن يداويـه
شفتك فرس في مشيهـا عنجهيـه=من قادهـا حقـق بقيـة مناويـه
شفتك غزال ن في الهوى عارضيه=مرت علي والصيد من وقت ناسيه
شفتك دروب ن قاعها صحصحيه=ياحظ من حصل بها درب يمشيـه
شفتـك ليالـي كلهـا سرمـديـه=يطيب للسـاري معاهـا مساريـه
شفتـك ورود ن كلهـا نرجسيـه=تنعش فؤاد اللي زمانه لعب فيـه
شفتك غدير ن في العرا مهمهيـه=ألذ واعذب من جميـع المهاميـه
شفتك يديـن اللـي كفوفـه نديـه=تنقذ حياة اللي غرق فـي بلاويـه
شفتك .... وجيت مسلم ن لك يديه=جيتك غريق و مد لك روس أياديه
جيتـك وخليـت الحيـاه الشقيـه=جيتك مثل غالـي يناديـه غاليـه[/poem]
وسلامتكم جميع
يحيى شنيف
رد مع اقتباس
