[poem=font="Simplified Arabic,5,darkblue,bold,normal" bkcolor="skyblue" bkimage="backgrounds/12.gif" border="double,3,gray" type=2 line=0 align=center use=ex num="0,black"]
ياطـويل البـال طـال الـدرب طـال = والـرجـا حبلـه بلا يـاسٍ طـويل
طـف نـار البعـد ياخـي بالوصـال = وخـل عنك مجامل الوقـت البخـيل
الزمـن ما يسـتحي وان مـال مـال = يتعبـك مـابيـن يـوم وبيـن ليـل
يـرتكـي لـك بالخـفيفـه والثقـال = وينهـك متـونك بحمـلـه ياثقيـل
ويقصـر خطـاك الطويلـه بالعقـال = لين تصبـح بين حيـف وبين مـيل
إن بغيت الصلـح مـالـك به مجـال = وكان حبـك منطحـن وفـاك كيـل
شـف من اسـبابه غدت هالحال حال = وش ذبحـني كـود هالحـظ الهزيل
بـس اجـامـل واتحـلا بالخـصـال = الخـصـال الطيبـه ذخـرٍ جميـل
ومن نشـدني قلـت حالـي عال عال = مـن كثيـر النـاس يكفيني قليـل
وفـوق هـذا ماسـلمت من الجـدال = الحـواسـد ما تخـلي لك سـبيل
مـايخـلا منسـدح ياابـن الحـلال = المشـاكل خيلها تصهـل صهيـل
لـو تصـافـح باليمين وبالشمـال = ولـو تجامـل كل غـادي أو دليل
والله إن يقـال فيـك ومـا يـقـال = ووالله إن تسمـع يقـول وقال قيل
وتسمع اللي ما طـرى لك فيـه بال = من خبـوشٍ شغلـها شـب الفتيل
ووالله إنـه مـايعـلـل بالـرجـال = كود طعَـان القفا النجـس الـذليل
لاكـن أبشـر به جـوابٍ للسـؤال = وكـل زراعٍ يحصـل لـه حصيـل
القـدم ياطى علـى ظهـر النعـال = والعقال يشال فـوق الراس شـيل
وانت وش لك بالقصيـره والطـوال = خـل راع الهـم لليـل الطـويـل
إرفـع الهـامـه وهـلل يا هـلال = والثنـاء لله والشكـر الجـزيـل[/poem]
رد مع اقتباس
