[poem=font="Simplified Arabic,5,black,normal,normal" bkcolor="transparent" bkimage="backgrounds/17.gif" border="none,5,gray" type=0 line=1 align=center use=ex num="0,black"]
انا كل ماعـذع عليّـه هبـوب النـود=تهيض المشاعر والشعـر فـك بيبانـه
اجاهد همومٍ زايـده مـا وراهـا فـود=تذكر حسن ما فات من سالـف ازمانـه
يلف الشريط اللي عليه الامـل معهـود=عليه النقا حيث الشرف سـاس عنوانـه
تذكرت من فيها عن البيـض دايـم زود=هنوفٍ عليها الـروح بالحيـل ولهانـه
كما القايد اللي لامشى مـن وراه جنـود=يقود الجمـوع ولا احـدٍ طـب ميدانـه
شبيه الغزال اللي يقـود الجميلـه قـود=سهـوم المنايـا شفتهـا بيـن حجانـه
ليا من برق خده وسلهم بنجلـن سـود=ليا لد فيها في حسـن ضـاع برهانـه
جماله يفوق الوصف ما للجمـال حـدود=مع زينها الفارق مـن العقـل مليانـه
من اهل الشرف ما عمرها داست المنقود=حماها الولـي رب السمـوات سبحانـه
بغيته على السنه وجا دربهـا مسـدود=سبب هرج عدواني مع هـرج عدوانـه
حدانـي حدانـي دونهـا واحـدٍ مقـرود=قريب اللحم والدم مـن صلـب جدانـه
سقى الله زمانٍ فيه حبل الغـلا ممـدود=ما بيني وبينه يوم شاني ركـب شانـه [/poem]
رد مع اقتباس
