السلام عليكم ورحمة الله وبركاته
كــل عااااام وانتم بخير
والله يحفظ علينا نعمة الاسلام والامن والامان في هذه البقاع الطاهره
ويحفظ بلاد المسلمين كـاااااافه ..
[poem=font="Simplified Arabic,5,firebrick,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
مااحد ٍ يضحي بالبشر يا كود بوش=ضحى نهار العيد باطيب سوقنا
يحوشنا قدمه سواة الضان حوش= بكره تبي تدرج رحاته فوقنا
البعض صفق له والاخر قال خوش=ياكبر خيبتنا وما اكبر عوقنا
صحيح نملك عقل لكن عقل بوش= ودم الإخاء ملوث ٍ بعروقنا
لانملك النخوه ولانقدر نهوش= مثل العذارى ماتبين إفروقنا
ياطيبنا فوق الصحن لاجل الكروش=ياطول يمنانا ووسع حلوقنا
أمجادنا راحت وصارت فش فوش= وشمس المعزه ماتعرف شروقنا
عزاه ياشناب ٍ على وجيه الخدوش=لاصار ماتحما جميع حقوقنا
لاصار كل العش منتوجه عفوش= مافيه داعي للوكر وسبوقنا[/poem]