انا بكرهك..بكرهك====صورة وحده لابسه فستان قصير وحاطه يدينها على وجهها وتركض===وش خليتي لسعاد حسني
الموهييييم ياطويلين العمر..امس اللي هو يوم السبت..كان يوم نحس صراحه
تخيلوا...جهازي اللاب توب جديد..قسم بالله جديد...وربي جديد...ياجعلي مااتوفق جديد..واللي خلقني جـ===عطيناتس وجه عاد..
...كنت حاطته علي رجولي وانا اتغدا...فجأه وانا اشرب الفيمتو...تششششششششششششششش� �شش....زلق مني الكاس وانكب الفيمتو على اللاب توب..حاولت امسحه بسرعه بسرعه لكن مااااااااش...دخل في الشاشه..شوي شوي وبدا يدخل اكثر واكثر..لما صارت الشاشه وردييييييييه.....حاولت اقنع نفسي واقول مااختربت..يمكن تكون مستحيه مني والا شئ ..لا لا مستحيل..
قسم بالله جيت ببكي...لاب توبي..حياتي..عمري...مابئدرشي اعيش من دوونك..ليه كذا ليه؟؟...وش سويت لك يالفيمتو...ليه تسوي فيني كذا؟؟...الشرهه علي قاعده اشربك.....قسم بالله حرمت اشربك بعد اليوم..ليييييييييييه كذا؟؟
قمت اسب في اللي رايح واللي جاي..مسكت شغالتنا وحطيت حرتي فيها...ليه سويتي فيمتو اليوم؟؟ اكيييييد انتي اللي مخططه على هالشئ..والله ان ماعدلتيه بفلوسك لا اقول لابوي يرجّعك ديرتك..الله ياخذ الساعه اللي جيتينا فيها ياوجه النحس...ادري مالها دخل..لاتلوموني من القهر والله
شوفوا الشاشه كيف صارت
تهئ تهئ..والله قهر قهررررررررررررررررررررررر رررر
والمشكله اني لما اخذت الجهاز عشان اوديه لـ جرير..قالوا لي لازم تروحين لشركة اتش بي نفسها..ويمكن التصليح ياخذ شهر..ويكلف تقريبا في حدود الالفين...شدعوووووووه؟؟
لا لا..اسمعوا هالخبر بعد
رجعت البيت وقلت يالله معليش خليني اروح اشتغل على جهازي المكتبي القديم...فتحته واول ماحطيت دبليو دبليو دبليو دوت...على طووول بدت الشاشه تصير زرقا وبعدين اختفا سهم الماوس وبدا الجهاز يطلع صوت((طوووط طوووط طووط)) وطفا بوجهي...كنه يقول لي خلي ينفعك اللاب توب
لا لا..واسمعوا هالخبر بعدددددددد
رحت لدكتور اسنان...
كان بطني يوجعني...
انا ادري عنك انت وياه؟؟
يعني رايحه دكتور اسنان ليه؟؟ اكيد عشان اسناني...==طيب وراك معصبه
الموويهم
كانت الدكتوره حاطه شئ حار بفمي...زي الملعقه...انا ماكنت ادري...طبعا كنت حاطه الشنطه على بطني..دق الجوال..قمت باخذه وجت الحديده الحاره على شفايفي على جنب وحرقتني..صار خط احمر طويل...بالله قولوا لي وش اسوي؟؟ وش هاليوم النحس؟؟
عموما..الحين انا داخله من لاب توبي ابو شاشه خربانه..حتى ماتشمون ريحة فيمتو؟؟ كنت بوديه اليوم شركة اتش بي زي ماقالوا لي...لكن بالليل حسيت ان حرارته قاعده تنزل..اقصد المويه اللي فيه....ادعوا له بالشفاء العاجل تكفون:زعلان:
اختكم المقهوره
نبوضه