الوفا المذبوح
ليـــــــش تنساني وانا لازلت ذاكر؟ وليش تهجرني وانا ابغى الوصال؟
وليش تضحك يوم قلت الحب نادر؟ وليش تبكي يوم شفت الدمع سال؟
دمعتـــي لو ماتجي وسط المحاجر! مـابكيت وقلت دمعــــــي لك حلال!
دمعتــــــــي دايم على خدي تسافر! تطـلع من العــــــين وتحط الرحال!
فوق خدٍ انحفر مثل المقـــــــــــابر! والـسبــــب من كثرة الدمع الزلال!
استمع مني كلامي قبــــــــل اسافر! لاتـحبــــــــيني ترى مالك مجـــال!
في حشاي وفي عروقي والـنواظر! والـسبب معروف والاعجـاب زال!
حمل عشقي ماتقديه البواخـــــــــر! صعـب يدخل مخ او يخطر ببــــال!
قسمتي راضي بها ماني بـــــــكافر! بـس وش ذنبك تشوفين النكــــال!
دنيـــــــــتي متشبــــته مثل الاظافر! بـالسهر والحزن وهمومٍ ثقــــــال!
دنيتـــــــــــي يادنيتي دمع المسافر! يـوم سال الدمع كل الدمع ســـــال!
ومنت شاعربالهوى لو كنت شاعر! ومنـــت راضـي نقتسم مر الحلال!
صدقينــــــي موغــــرورٍ اوتفــاخر! او كــــذب والا خــــداعٍ واحتيـــال!
لو اقول امثـــــال رائــــد مو نوادر! بس صعبـــــه ينـوجد بين الرجـال!
من يصون الحب مثله او يكــــــابر! او يقول ابشر اذا المــــــحبوب قال!
لكن استثني من القصــــــه ذواخـر! يـــرفعــون الحـــال يوم الحال مال!
ومنت قـــادر تحتويني منت قـــادر! والـهنا في دنيتي والله محـــــــــال!
ناظــــــــر بقلبي دخيل الله ناظــــر! ماتـشوف الا معانــــــــــاة الليــــال!
او وفـــا مذبـــوح او سلـــة خناجر! او اثــر لجـــــروح تنـزف لاتـزال!
من عشيــــرٍ كان يسوى له عشاير! وكنت ماشـي له مثل مشي الظلال!
مااعارض كلمتــه والوقـــــت غابر! وكان يطلبـــــــــــني ويلقا له دلال!
لين خلاني وظهره صـــار دايـــــــر! لي ولا فكر يـجينــــــــي فـ الخيال!
بعدها قلبي حلــــــف انه يغامـــــــر! بالهوى ويشـوف تالية الهبــــــال!
وانت لازم تحتـــــــــــرس لالاتقامر! واعرفي ان الـهوى صعب المنـال!
[poet font="Simplified Arabic,4,darkblue,normal,normal" bkcolor="transparent" bkimage="backgrounds/3.gif" border="ridge,4,indigo" type=2 line=200% align=center use=ex length=0 char="" num="0,black" filter=""]
[/poet]