[poet font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
انا مدري وش اللي ردني يم البطا واللوم =وش اللي رجع الماضي ونبَّش لي تفاصيله
تذكرت الفراق اللي على ذكراه اعيش اليوم=تذكرته عقب سجيت احاول ما اناديله
لمحت عيونه بعيني وتوارت لي كثير هموم=مسكت النفس يوم انه نثر دمعه بمنديله
فلحظة صمت يوم وداع انا وياه وسط القوم=اهم في عالم ًثاني وانا وياه في ليله
فليله من ليال الحزن فليله ماعرفت النوم=فليله انكتب فيها حبيبً أعلن رحيله
هويته: يوم يهواني بغيته:لي حبيبي دوم=ولكن الزمن ماطاع تصفق بي غرابيله
عقب فرقاه انا حاير اصارع فكري المحموم=وأسرح في خيال اليأس ولا القا له مثيله
ياليت اني عرفت اصبر قبل اني عرفت العوم=عرفت الصبر لكن فيه كل الصبر ياويله
اراجع ذكريات الحب , واناظر في بياض غيوم=واحس بّه ويحس بّي ويطري لي وأطريله
أحبه كثر زلاته وأحبه كثر ذيك نجوم=ولاني ناسيً حبه ولاني باغي رحيله
عشقني كثر حبي له وحبه زاد يوم بيوم=وحياته كلها لجلي وحياتي هي حياتي له
احط كفوفه بيدي وأغني للهوى المقسوم=واعيش الحب في عالم انا قيسً وهي ليله
أفزّلّه كما فزة شجاعً مايطيق رخوم=ويلفيني كما مزنً تحدر ماه في سيله
اضمه واجمع اشتاته ويغدن العلوم علوم=اضيع بّه ويلقاني واتوه بحسن تدليله
شموخه يعجز الداني وأصله من عيال قروم=هذاك اللي انا احبه انا من جد كلي له
هذاك اللي من فراقه احس ان الصدر موسوم=هذاك اللي اذا يضحك احس ان العمر ليله
اراجع صفحة الماضي واناظر نظرة المهزوم =لأوراقه كتاباته لشمعاته مناديله
صحيح ان الامر قد صار وأصبح في قضا المعلوم=وانا راضي بتقديره وتكبيره وتهليله
يقولون"العشق"عيبً وانا آقول العشق مظلوم=واذاكان العشق عيبً انا راضي بتمثيله
حرام ان الذي يهوى يطالع عشقته محروم=متى تتغير افكارً متى نلقا لنا وسيله؟
قبل لانعشق الظاهر:أجل بنغير المفهوم؟=والى من ماتغيرنا,, ندور للعشـق حيله..!!
عبد الله التـــوم
[/poet]