الــــــســـــــــلام عليكم ------ مساجله بيني وبين الشاعر سفرالدغيلبي
أتمنى أن تحوووووز على رضاكم علماً بان النقد مقبول ونتقبله بصدرٍ رحب
------------------------------------------------------------------------------------------------------------
[poem=font="Simplified Arabic,6,black,normal,normal" bkcolor="transparent" bkimage="backgrounds/15.gif" border="ridge,6,white" type=2 line=0 align=center use=sp num="0,black"]
العلم جاني من ثقات المراسيل=اللي لهم فالشعر واهله علاقه
قالوا ولد عمك يمجدك بالحيل =يمدح ويبعث لك من الورد باقه
أعطوني الموجز ولا من تفاصيل= الا-- الاسم( مقعـد) بحسب البطاقه
في منتدى الهيلا زحول الرياجيل=بيت القبيله والنشاما رواقه
يزينه حرصه لجزل التماثيل=ويميزه نبذ العلوم الدقاقه
فالمنتدى لخيار ربعي مداهيل=اللي يعشقون المعالي عشاقه
والله لو أن ظروف وقتي تساهيل=والا أقدر أسرق من فراغي سراقه
لآرد قراحٍ عذب واعذب من النيل=لو ماخذ الا من حلاته ذواقه
ذوقه يكفيني عن القال والقيل=ويطرد هواجيس الزعل والحماقه
لآكن كيف أسلا ووقتي غرابيل=ماسهل حضور الهم ماصعب فراقه
أتبع سراب آمال باليوم والليل=وابغى الرواقه مير مامن رواقه
ويومن مقعد ساق زمله محاميل=جبرني أشيل الحمل والوساقه
واسايره واعجل على الحط والشيل=والا قبل مالي على الكود طاقه
إلك الشكر ياموفي الوزن والكيل=الوقت مانساك حق الرفاقه
رفيق وموالي ونشمي وحلحيل=وزودن على قرّب الرفاقه صداقه
ياترثت محمد عذاب المعاميل=فايز وحايز للكرم واللباقه
ذبايحه لظيوفه العقّر الحيل=وعطاه للمحتاج حاشي وناقه
سوالف الأجداد جيلٍ بعد جيل=من راس عودن قاسيٍ عظم ساقه
والا- سفر ماكابد الجيش والخيل= بس يتشفق هالسوالف شفاقه
ويعدل المعنى عن النقص والميل=بعــد أعجبه فعل أبن عمه وشاقه[/poem]
رد مقعد
[poem=font="Simplified Arabic,6,black,normal,normal" bkcolor="transparent" bkimage="backgrounds/19.gif" border="groove,4,gray" type=2 line=0 align=center use=ex num="0,black"]
يامرحبا واعداد وبل المخاييل=اللي من المنشاء صدوقٍ حقاقه
برسالةٍ فيها من النور قنديل=من شاعراً فالشعر عنده لياقه
والحظ طيّب والليالي مقابيل=وعندي على حمض الطواريق فاقه
يابو سعد مافلحقايق مداخيل =ماينفتح للشك بابٍ وطاقه
شاعر وتشهدلك زحولٍ مشاكيل=في نجد يومنه رفيعٍ مواقه
اللي لهم فالشعر دقه وتحليل= ويميزون الرااهيه والشلاقه
واشوف فالشعار والشعر تظليل=كلٍ يحاول قظبته واعتناقه
مابين تحديث وحداثه وتحثيل=والصّحف تعطي رخصةٍ للسواقه
صحافتن عمياء وجمهور تطبيل=واللي ينافق قرّبوه النفاقه
يابو سعد شيٍ نشوفه تهاويل=الشعر تال الوقت فيه البواقه
عينن على صف الثقات الدواليل=وعينن على من ظيقوبه خناقه
وصية أهل الكيف والبن والهيل= يحذرون أمن النياه وحراقه
وانته (سفر)مهما تطول الأقاويل=درب الرجوله مهنته وشتياقه
ترثت سعد سم الكبود المعاليل=أحفاد(مسفر) طيبين العراقه
ترعابهم فالخوف عرّبٍ مشاميل=في ظفهم ماذيرت بصطفاقه
ألآد منعر محتمين الدواخيل= عدوهم منهم يشيل الاعاقه
منزالهم في عاليات المنازيل=بالغصب مافيها عقود أتفاقه
وحنا لنا مجدن صعيب المناويل=موتي برقّك يالكفوف الرقاقه
وحنا عتيبه بالسيوف المصاقيل=حريبنا دايم يزود أرتهاقه
برقاء وروق اللي كما الجدي وسهيل=في نجد يوم البيت يرفع رواقه
من لايـح العارض ليا حرة هذيل=بعلط الرمـاح وبمهات التفاقه
واليوم في--فيّت طوال الأشابيل=أمن ورخاء ونحارب الانشقاقه[/poem]