(((بسم الله الرحمن الرحيم)))
أحبتي اسعد الله أوقاتكم بكل خير .
جديدي اعانقكم به عسى ان يحوز على رضاكم...
يقول الاديب العربي المعروف.. العقاد.. في تعريفه للشعر .. هو .صناعة توليد العواطف بواسطة الكلام .. لذلك قلت.
. [POEM=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يقوله العقاد بإن الشعر لا دار الجدال=تصنيع توليد العواطف والكلام الواسطه
ياصاحبي ارجوك جاوبني على قد السؤال=وأشر براسك لي كذا بالانحناء وقول طه
لو كل من يلبس شماغ يصير من ضمن الرجال.!=وشهو عليك اللّه ميزان الرجال وضابطه
لكّن خلك منتبه وأفتح لنا باب احتمال=وأحذر تسلم للزمن لا زاد في تعابطه
للفعل ردة فعل تاصل لا حدود الانفعال=والسلعه اللي ما تسام اكيد سلعه هابطه
أهل الجنوب اعرف بها واهل الشمال اعرف شمال=والخيل قبل إقنايته اسئل على مرابطه
والعلم خلا الآدمي يقدر على هد الجبال=مادام له همه ليا جات الشدايد ناشطه
وخلاه ينقل للحدث في بوسطن تحت الظلال=اْ مباشرٍ والفضل يرجع للصحون اللاقطه
العلم نعمه بس بعض احيان واضربلك مثال=وأكتبْه بالخط العريض وارفعه باليافطه
النت عندك فيه فعلومه دقاق وبه جلال=ويوصل اللي ساكن بلاباز قرية صامطه
ويجمّع الطيب على البطّال ويجيب اختلال=لأكثر موازين المعرْفه والدروس الحاقطه
ومن لايجرب فالزمن تلقاه مذموم الخصال=والتجربه بنزين والعرْف المسمى شاخطه
لن التجارب تُكتسب والرجل لامن كسْب نال=نفهم من اْدروس الزمن ونسير حسب الخارطه
الزير في قتله جبير يسوم به شسع النعال=قوّم عليه ابن عباد يوم انبقط يا باقطه
ومن قبلها ما كان له ناقه ولا حتى جمال=الين حده سالم اْ بفعله تسمى ساقطه
حتى تبيّن له غلط فعله بوافين الخصال=وعلمْه بأن كان قال ابلافعول مهايطه
والعبسي اللي من سبب لونه طُرد عند الخوال=عوّد على ربعه بعز ونفذ اللي شارطه
والا سلامه يوم رزق ابوه للخضراء قال=من وين يالخضراء جبتي هالولد يا ساقطه
قالت لفيت الماء في وقتٍ قبل وقت الزوال=وشفت العقاب الاسود اللي كل طيرٍ لافطه
ودعيت ربي بالولد حتى لو اللون استحال=ويومه رزقني بالولد رضيت ماني ساخطه
وان كان ما ترضى بتثبت لك بعيدات الليال=وانا معك ابا انتظر لو كان ماني سافطه
ويوم أقتوى عوده وجاء فالوقت ميلات وعدال=طيبه لقابه عز لين العز طيبه خالطه
ويومه عشق علياء وقالت له تبيني بالحلال=والا خليله قال من قلبٍ شعوره فارطه
ابيك لي خلٍ ينسيني مضاريب النبال=وانسى معك سيفي ودرعٍ كم رمحٍ عافطه
ويوم انسجن في حكم ابوها تحت رهن الاعتقال=من حبها قالت يا ابويه عبد شف مخابطه
يديه من ملك العجين اكبار وعظامه جلال=يوم ان ابوها شك فيه وبالمزايا قافطه
ويوم استعز وصار له قاله وله قول وفعال=قابل ابوه افمعركه واعطاه ضربه شايطه
حتى صرخ لا ياولدي حنا كريمين السبال=والمسأله فيها غطا وانا لفعلك مايطه
وكايد بعد جنّه خواته واشتكن والعمر طال=عشان يدخل فاللقا دق المشْط في مارطه
حقايقٍ ماض الزمن والعرف باقي لا يزال=لاتحكم امن الاوله ثمن تخرب مالطه
العلم لأهل العلم تفكير وادراك وخيال=والا الخبل ماهمني اقسم بربي صافطه
بشويش يا تفكير راسي لا تسبب لي اهبال=من لا يفكر فالزمن انا اشهد اني غابطه
فكرت في دنيا العنا الين شفت الحظ مال=وقلب الحقيقه وقتنا الغدار اظنه جالطه
طبخة جروحي ما استوت لو كان للقدر اجتوال=والمشكله لا ذقتها من دون ملح وسامطه
وفصلت ثوبٍ للفرح مير انقلب حزن ونكال=وشلون صارت هكذا مدري وانا اللي خايطه
والقلب فيه امن الهوى آهات وهمومٍ ثقال=والعين من كثر الشقا تفز لو هي غافطه
ما أقسى على الرجال من توقيت يوم الانفصال=الا ليا منه طعِن فالظهر من بلاحطه
ولولا مرار البن يسكب في بطن صفر الدلال=اكيد توجم دلته لو كان تطبخ ناخطه
ناديت لك يا صاحبي من داخل اعماقي تعال=وانا مادامك جيتني كفي عشانك باسطه
جمر الحشا لامرته ريح الوله زاد اشتعال=حتى تطاير من جمْر شوقي شرارٍ لاهطه
ابك انت قلبي موقعك ياللي ذبحك الاختيال=وشرياني التاجي لجل عينيك غيّر رابطه
كنك زعيم الفوتبول الآسيوي ناد الهلال=وانا على صف المدرج لك زعيم الرابطه
فكره ومرتني كذا مدري وش آخر هالهبال=لكنها جتني وانا بأكتب مادامت زابطه[/POEM]
رد مع اقتباس
