[poem=font="Simplified Arabic,6,crimson,bold,italic" bkcolor="transparent" bkimage="" border="none,4,gray" type=2 line=1 align=center use=ex num="0,black"]
اقدم للحبيبه عذر ترفض تقبل اعذاري=تعاند باتهام الكذب ترفضها بلا تبرير
تعاندني واعاندها بعقلي ماخذن ثاري=وقلبي يرفع الدعوى مطالب وبحقوق الغير
اعرف انه عميلن لك وجاسوسك على افكاري=شياطين الفكر ثارت بغزوك تطلب التحرير
اذا ودك اعيش بنار تراك اوقدت لي ناري=صدودك يالغضي حاله غريبه مالها تفسير
حقول الغام تزرعها بوجه الهاجس الطاري=تعززها القنابل قصف تمحي لحظة التفكير
تعالي نجلس بجلسة حقوق وبكشف اسراري=خريطة واقعن ماضي بفعلك مثبته تصوير
تعدى طيفك الغاشم على جدران اسواري=خساير راحتي دمعن قتلتي قصدك التدمير
ولم تفلح دفاعاتي بصد هجومك الضاري=خساير حربنا اكبر من اللي يوضح التقرير
تعالي نعلن الهدنه لوقف اطلاق اجباري=لناخذ بالحوار الحل دعينا نوجد التطوير
نبي نبدأ حلول السلم نحقن دمعنا الجاري=خسرنا وقت كان افضل قضينا ندعم التعمير
كفانا بسط للسلطه بقوه فكرنا العاري=شهدنا حرب للقدرة وشعبن يرفض التغرير[/poem]
رد مع اقتباس
