[poem=font="Simplified Arabic,5,darkblue,normal,normal" bkcolor="transparent" bkimage="backgrounds/11.gif" border="double,8,green" type=2 line=1 align=center use=ex num="0,black"]
اليوم ابا اكتبها على شكل ثاني=غنيت في غنج الغنادير وازريت
ضيعت من كثر الخبال المعاني=واقرب علي اضيع عن شارع البيت
مغير الوي سبحتي مع لساني=واليا وصلت البيت للسوق لفيت
اطلع الجوال يالليل داني =كل(ن)عرفني داخل السوق لاجيت
يازينها لا شفتلي مغنجاني=اطيح مااذكر يوم لا طحت سميت
احداه والغتره غدت في مكاني =واقول طالع في ياسطعة اليت
واحداه وضحكله وهو ايحداني=واغمز واقول الرقم ياعالي الصيت
وانحاش لاشفت المطوع نصاني=وليا مسكني قلتله ويش سويت
ياهيئة المعروف والله تراني=مغير اضيع وقت مايوم زليت
طيش وبطاله والمؤشر بلاني=حتى عن النامس ماعاد اشتري فليت
والي مع السواق ياما شعاني==لا داوم الرجال نادت لبو زيت
من هيك اعاني والعزوبي يعاني=مليت من كثر المهر صدق مليت
لاجازلي بين العرب مودماني=وقمت الحق الونات بعض التناهيت
ثم قلت انا خطاب والعود جاني=وفن الفنون وقمت لو ماتغديت
وان قلت ابا اتجر في عطور الغواني=يضيع راس المال من كثر ما اهديت
وان قلت ما اهدي روحن لليماني=خلاص ابا اروح انتحر دون تكريت
والبدو شدو ونزلو بالمباني=وقالو مرشح للقبيله وتصويت
وان قلت يافزاع جاك الهداني=جنز(ن)وكابوريا وقصة تواليت
عند المره صارن ثلاثه ثماني=وقلت الله انه ليتني ماتنخيت
خلاص شانت اضرسن يالسواني=اخفلي نومي ونا ماتعشيت
سويتها ونا تراني تراني=صبور مالي في كثير التشاميت
لو بوش يطريله نهار ايغزاني=اعجبك لامني وقفت وتساويت
بالقطله الي للبعير العماني=تظهر دماغه كان فيها تهاديت
وليا نخا لبلير انا انخا السناني=وقول يامستور جات وتسميت
وانخا حبيب وانتخي كل عاني=وصالح يشتت شلة الكفر تشتيت
وانخا الحويماني جزيل السماني=يالله على ابو بوش لابوه خرتيت
حنا هل البتار واهل الحصاني=حد اليمن ويحدنا شار وكويت
ماياخذ الارهاب معنا ثواني=انسكت الشيطان بالدين تسكيت
لافيه لاملحد ولا فيه زاني=خصيت يادار الرسالات خصيت
لاصحابنا الين من ليان اللباني=وعلى عدو الدار مره وحلتيت
وخذو وابا احمد ربي اللي هداني=وانا اعرف اني بالطواريق ما اوفيت
لكن خوفي من حصايل جناني=ذكرت شي(ن)قد مضالي وهديت
قد لافني بعض الشقا في زماني=واخذتلي في درس الايام توقيت
لقيت في بعض العرب قلباني=ياكثرهم لو جيت ابا اعد ما احصيت
اذيابة(ن) بالشعب رخم العداني=ياليت ابو متعب يشيل المفاليت
الكهرباء تاكل حصيل الضماني=والسجن لو عن دفعة القرض عييت
في بيتك الشعبي عيانن بياني=يامجلس الشورا من الفقر غنيت
الغاز والجوال وشعير ضاني=وش باقي(ن) بالجيب راحت فتافيت
والرز غالي والحم والاواني=وش عاد ناكل مابقا الا البساكيت
نحطهاجلسه وفصفص وشاني=من شركة الببسي يطفـ الدناميت
مادام كنتاكي مهو يعرباني=يابيك ياهرفي على ماتلاقيت
اكل الحبايب والدلع والحناني=اسمع ترا يابيك صايم وصليت
يعني على شان الدينمارك ماني=ياشاربي لو خنت حالقك بجليت
من سب ديني ثم نهيت وعصاني=اقاطعه ظمن الرجال النعاتيت
اقاطعه مدام ان الاواني=وارضيبها من له ولرضاه حجيت
وختامها صلو كفاكم كفاني=يالله نبيها نوم وفراش موكيت[/poem]