يالغاليه لاغبتي عني أذكرينـــــــــــي *** لا ياخذك مني البطى ثم تنسيــــن
أقفي وخليني معك واتركينــــــــي *** أعيش وسط النون في داخل العيــن
والرمش لي برواز منك يحمينــي *** لا سلهمت ذكراك بطعون سكيــــــن
بقدوم طيفك أسرعي بشرينــــــي *** لاتأخذك لحظة حيا ثم تقفيــــــــــــــن
يكفي أسى البعد زود أنينـــــــــي *** إنسان أنا مثلك إذا أنتي تحسيــــــــن
حني علي برفق لا تعذبينــــــــــي *** لا ياخذك ذنبي أثم بي تضنيـــــــــــن
أني هويتك لجل بس تحرقينــــــي *** وأنذل وأسترحمك رجواك تعطفيـــن
لا والذي عليه بتحلفينـــــــــي *** غلاك شق القلب قبل أنطق الديــــــــــن
من عام ماشفتك وعرفتك تبينـــي *** حسيت بظيم الهوى قبل لا تجيـــــن
خايف عليك وفيك لاتعلقينــــــــي *** بموعد أشوفك وثاني الوعد تبطيــن
رضيت أنا لجل الهوى تبهذلينــي *** وكم قلت لك ((ياعمري)) زيدي الصاع صاعين
لايهمك التعذيب ردي أطعنينـــــي *** زيدي وأوفي القلب كانك بتقوين وتطعنين
الله معك لابد ماتوجهينــــــــي *** روحي وذاكـ اليوم لاجاء تعرفيــــــــــن
أنسي ولايهمك أمري وأحذريني *** خليني بعينك مثل ما..ما.. تشوفيــــن
ياجهله درب الهوى أسئلينـــــي *** ماني بمن ياخذ ولا يوفي الديـــــــــن
أحسب أحسابي صح لا تحسبينـي *** غافل لي الله بدمع أخطاك يازيـــــن
مع تحياتي
صدى الآهات