[poet font="Simplified Arabic,4,black,normal,normal" bkcolor="transparent" bkimage="backgrounds/20.gif" border="none,4,gray" type=2 line=350% align=center use=ex length=0 char="" num="0,black" filter=""]
انا قررت وبقوه.. اغيضك واحرق اعصابك=إلين تصيح من كثر الالم وتموووووت بالحسره
ياويلك.. ما اسوده دربك.. ياويلك ما اصعب حسابك=ترى الانسان يتغير إلي منه نفذ صبره
انا كم قلت لك حاذر يطول الصد وغيابك=ولكنك على نفس الغلط مره ورى مره!!
تثير احساسي بضعفي.. توقفني على بابك=نسيت ان الذي يغضب كثير(ن) يتقي شرّه
الا لابوووووه من يسمع نداك ويقبل عتابك=اباك تصبّح بهم(ن).. وهم(ن) ياخذك سهره!!
ابنزع فرحة عيونك.. آبزرع شوك بأهدابك=واخلي الشك من حولك يسوق الدمع والعبره
من اللي قال مايقوى زماني وحشة اعجابك؟=من اللي قال من عقبك شراعي يغرّق ابّحره؟
ترى ماهمني جرحك! ومهما تغرس انيابك=يظلي في السما قدري وراعي الدون في قدره
من اللحظه.. ابوقف لك.. إلين تقطّع ثيابك=واشوفك تسحب الونّه.. واشوفك تكسر النظره
ترى عيب(ن) عليك انك تقول اني من احبابك=انا ماني حبيب اللي بصم للهجر بالعشره..
[/poet]