لكل من لايعرفنــــي ويعرفنــــي ويجهلـــني (( ارتجــــاليـــه ))
(( هــــاجســن حط جمـــره فوق غليـــــونه ))
[poem=font="Simplified Arabic,5,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
البارحه يوم كلن نامت عيونه=عيت عيوني تنام ولا هدا بالي
اقالب الفكر وابرد من غبونه=وأقول يا لا لا لا له يا لا لا لا لي
من هاجسن حط جمره فوق غليونه=ينفخ نكوتين عيا الجو يصفالي
ياهيه ياللي عليه يشعب جنونه=الريح ماحركت صخرة من العالي
ماني على الناقصه من يبدع لحونه=أنا على الوافيات أجر موالي
مقعادي الصدر أنا مانيب مركونه=الصدر مقعاد أبوي ومقعد لخالي
والشله اللي على الشين يرمونه=الشين طبع الردي في كل الأحوالي
والتافهه تافهه لو كان مزيونه=تبقى على طبعها في المر والحالي
في الذم مانيب فنانه ومفتونه=مار الاهانات ما ارضاها على حالي
أخايل الجود لو هم مايريدونه=في دربي أطا على الديبان بــ ......
ياركلتن جيتي من الخلف ممنونه=أثبتي ان الصداره دوم منزالي
لي صاحبن يومي أذكر ضحكة سنونه=ربع فؤادي وتزهر فيه الأمالي
ان قلت ياهووه أحبك قال ياعونه =أبك أنتي الحب كله باول وتالي
الموقف اليا أحتمى مانيب مشطونه=مادام خلي بقلبه فاحت دلالي
والبارحه يوم كلن نامت عيونه=هيجنت يا لا لا لا له يا لا لا لا لي [/poem]
وســــــــــــلامتكــــــ ــــــم