المشاركة الأصلية كتبت بواسطة سعدالجميلي
[poem=font="Arial,5,black,bold,italic" bkcolor="transparent" bkimage="backgrounds/49.gif" border="outset,4,purple" type=2 line=0 align=center use=ex num="0,black"]
البارحه من سبّتـك خاطري شين =يا عيون جَدّي يا عيون النداوي
ليل السهَر في غيبتك صار ليلين =وأنا معَ اوراق القصيد متخاوي
عجزت لا اكتـب لك من الشِعرحرفين =ما غيراجرّ الصوت وأزعَج غناوي
فاحت عَلـَي ذكراك مثل الرياحين= يا زعفران وفـُلّ يا عُود جاوي
عزي لحالي لو عن الحال تدرين =في غربتي مثل الغريب الجلاوي
ما دلـّهوني عنـك نـاس ٍعزيزين = ولا غيرك احدٍ للمواجع يداوي
أكتب قصايد وارسمك داخل العين= وأحفر بقلب الذاكره لك رجاوي
الله لوعن كثر شوقي تعَرفين= وتفتـّشين اللي بقلب الهواوي
كان الوله بيّن بكل البراهين =إنّ الغلا من قلب ما هي حكاوي
وإن العواطف عند بعض المحبِّين =تسُوق يَمّ اللي يبيه الخطاوي
يا هيه حِسِّي كان ودّك تحسِّين=السالفه ماهيب شرح وفتاوي
حُبّي لك اكبر من كلام ٍ تقولين= وإحساسي اصدق من قصيد الخلاوي
ما كنّ لا جيتي بعيني مزايين =حرّمت عقبك لابسات الغطاوي
يا عيون جَدّي كان ودّك تشوفين=أنتي مكانك وين؟ في هالحراوي[/poem]
وهذارابط القصيده في جريدةاليوم
http://www.alyaum.com/issue/article....2&I=445172&G=1
رد مع اقتباس
