المشاركة الأصلية كتبت بواسطة ناصر القزلان
الاهداء .. لمن إرتشف رحيق الألم فذهب إلى المشنقة مسرورا ..
[poem=font="Simplified Arabic,5,orange,bold,normal" bkcolor="teal" bkimage="" border="none,4,gray" type=1 line=0 align=center use=ex num="0,black"]
ياجرح .. جنبت عن دربك وتلحقني = تقول مالك عـزا ..الا فـي غرابيلـي
عطيتك الخد الايمن.. لاجل تصفقنـي = يمكن حياتي مع اللوعات.. تصفـي لـي
أشم ريـح الامـل.. دايـم تعانقنـي = وافرش لها الدرب.. واسمعها مواويلي
أبني من الحلم دار.. الوجـد مرهقنـي = أشكي للايام .. والايـام تبكـي لـي
أيام تمشي.. على عمـري وتسرقنـي = ماهمها حسرتي.. واللي تسـوي لـي
أشوف ليل الجفا.. بالنـار يحرقنـي = يحط رمحه على كبدي.. ويعطـي لـي
ياجرح.. مالـك ومالـي.. لاترافقنـي = لانيب خصمك .. ولالـك فـي بهاذيلـي
الى متى ..وانت في حالي مضايقنـي = تدس سـم المحبـه.. فـي فناجيلـي
ياجرح.. قل للجفا ينـزل ويشنقنـي = في ساحة الصبر ..ويلي منه ياويلـي
للشوق في ناظري ..عبرات تخنقنـي = من وين ماجيتها.. قامت تغنـي لـي
لو قلت لك وش جرالي.. ماتصدقنـي = ياجرح قل لي متى.. ترحم وتاوي لي
ماكنت أشوفك بحر ..ياجرح تغرقني = حتى غرق من دموع الوجد.. منديلي [/poem]
وعلى المحبة نلتقي دائما ,,,,