[align=center]الأهداء لأخي أبونايف
الأهداء لكل من بالمنتدى
الأهداء للحزن الوفي
الأهداء للغائب (( منادي ))[/align]
[align=center]هــذا الحــزن غيييير[/align]
[poem=font="Simplified Arabic,5,orange,bold,italic" bkcolor="transparent" bkimage="backgrounds/22.gif" border="double,8,deeppink" type=0 line=0 align=center use=ex num="0,black"]
ماتصدق ذا الحزن والله حنـون = أرحـم بواجد من طعون البشـر
يكفي إنه ماتشكل بألـف لـون = مثل ناسٍ جابـوا بـعادل خـبر
هالحزن ماهو حزن لولا الشجون = والحزن ماهو حزن لولا السهـر
هالحزن ماهو بشر حتى يخـون = إسأل اللّي رافقه طول العمـر
الحزن يصنع من الموتى فنـون = فلسفة شاعر وحوّلها عبـر
يمكن إنه يستلذ طعم الطعـون = بس يكسبك إحترامك في كبـــر
الحزن فجرٍ تخفّيه الجفــون = كالكتابه فوق صفحات الطهـر
الحزن دمعه ولكن..لاعيـون = حزن لكن غيييير علمني الصـبر
يكفي إنه عايش فيني مغبـــون = كم تحمل غطرسة عادل عمـر
ماتصدق كان لي هالحزن عــون = فيني أحيا كل ماهو من حجـر
كم تمنيت الحزن هذا يكـون = مثل أخوي أبونايف ظهـر
كل ماضاقت علّي يصرخ تهـون = لاتضايق دامني حي الدهـر
وقتها ناظرت للي يكتبـون = كنت أبسأل عن مواعيد السفـر
وإتركوني دون حتّى ينظــرون = وإفردوا جنحانهم كبر البحـر
وإتركولي قبل ماهم يرحلـون = دمعةٍ لو شفتها شاب الشعـر
ماقدرت إني على دموعي أمون = ماتصدق عاجز أبكي من شهـر
قلت كم عادل وصل حد الجنـون = إن شكى مفضوح وسكوته قهـر[/poem]
[align=center]عادل الظفيري وريث الجرح[/align]