بسم الله الرحمن الرحيم
السلام عليكم ورحمة الله وبركاته :-
[poem=font="Simplified Arabic,4,darkblue,bold,normal" bkcolor="transparent" bkimage="backgrounds/2.gif" border="double,10,sandybrown" type=2 line=0 align=center use=sp num="0,black"]
يا عين ما للمفارق فالفتى حيله = لو كان دايم مع الأيام مشتاقي
ما غير طير الهوى بالكف أوامي له = وأقول يا طير حوم بعال الآفاقي
عساك مضنون عيني يوم أغني له = تعطيه ما سطرت روحي بالأعماقي
ادخل على الله ليا جيته تناجي له = يلطف بحالي قبل تقطيع الأوراقي
أنا مريض الهوى واعرف مداهيله = أمشي بدربه ولو يبسن الأرياقي
والله لو غيبوا عني مراسيله = منساك لو علقوا هجرك بمعلاقي
راع الهوى لو سرج في ماقفه خيله = يصبر ولو إن قلبه غاد احراقي
يا بنت هاك الدروب اليوم وش هي له = أنا ترى ماحتمل لك بعد وفراقي
يا بنت قلبي ليا ثارت دواليله = ما هو لحمل العنا فالوقت مطاقي
كتاب حبك عرفت اليوم ترتيله = من يوم ما حان لف الساق بالساقي
فزيت لك مثل حر في محاويله = صاروم ما يردعه مخلب ومسباقي
فزيت لك دمع عيني في مهاميله = ينشي سحابه وجا له نوض براقي
يا ناس دار الهوى طفوا قناديله = لا صار شرع الهوى خاين وبواقي
يالله يا عالم الدهر وتهاويله = يا باسط الخير للإنسان رزاقي
تفرج لقلبن جزع ما يملك الحيله = لو كان دايم مع الأيام مشتاقي[/poem]
وسلااااااااامتكم