[poem=font="Simplified Arabic,5,white,bold,normal" bkcolor="black" bkimage="backgrounds/21.gif" border="ridge,5,black" type=2 line=1 align=center use=ex num="0,black"]
غصبتني للبعـد... ورضيـت فرقـاك=ودعتـك بنظـره وكلمـه ودمعـه
حاولت اصافح بالأمل كـف لقيـاك=وأخذت من كف المقاديـر صفعـه
وأهز جذع الليـل وتطيـح ذكـراك=وأمسح جبين النور وتموت شمعـه
وأقلب أوراق الدهر يمكـن القـاك=ويفز غول البعـد بخلـوق بشعـه
وأنشد ايامي عـن أحـوال دنيـاك=وبكل أتجاه الصمت يشـر بصبعـه
جابـك نهار(ن)كنـه الليـل وداك=لبس السواد وغير الوقت وضعـه
جيت بحياتي مثل عصفـور شبـاك=وقع ثواني وطار مـن دون رجعـه
صدري عيون أطفال وأقدام وأشواك=والليل ذنب ونفس ألايـام جشعـه
عرفت وش معنـى حياتـي بليـاك=وحيـد ليل(ن)منطويلـه بربـعـه
صحيح أحبك من ورى حد ألادراك=لكن خضوع النفس ماأحـب طبعـه
أكذب على نفسي أذا قلت أبنسـاك=ماالله عطاني قلب ينسـى بسرعـه
كان اللقاء حظه غلب يـوم فرقـاك=أسف على نظـره وكلمـه ودمعـه [/poem]
رد مع اقتباس
المشاركة الأصلية كتبت بواسطة مفلح مطلق الرشيدي
-new.gif)
