السلا1111م عليكم
اعذروني بخش بالموضوع دغري زي ماقالوا المصاروة
في الحقيقه في حاجات نشوفها تقهر شوي او اذا ماتقهر تحط على جهبت كل واحد فينا علامة استفهام
مواقف مرت علي حطت الى وجهي استفهام بعضها ماعجبني وبعضها ماعرفت الاسباب الدافعه لها :
الموقف الاول / وقفت عند الاشارة وانا مقلب حواجبي ودي اقطعها بس خايف تكون في دورية
متوزيه يمين ولا يسار (محنا ناقصين مشاكل وحب خشوم ناس ماتستاهل وكلها عشان دقيقتين)0
ناضرت يمين لقيت واحد حاط اصبعه في خشمه وجالس يحفر 0
ناضرت يسار لقيت واحد حاط الجوال باذنه وهاتك يابربره
ناضرت ورى لقيت واحد يطالع فيني ويبتسم كنه يعرف وش افكر فيه
00عبده او سمرى عند الاشارة تجي وتقول عطنا الله يعطيك رديت بقصد جس النبض لا اكثر
وقلت : اختي بعطيك بس وش قصتك انتي 00تبسمت وقالت : قصتي حزينه جدا جدا جدا بهذا اللفظ بالتحديد
شلون وحده شحاده ظروفها تعبانه ورايقه تستهبل ؟؟؟؟؟؟؟؟؟؟؟؟ علامه استفهام كبيرة اولى
الموقف الثاني / كنت جالس في مقهى يوم اذن العشاء طلعت بروح اصلي والسبب الثاني المقهى بيسكر
طلعوا مجموعه شباب والاذان يأذن وركبوا سياراتهم وشغلوا المسجل على آخر شي كنههم بيرقصون
الهنود اللي بالشارع قلت اروح واصلي ماعلي منهم رجعت والاخوان نفس المحل ماغيروا موقعهم والاغاني
على ماهي عليه يوم فتح المقهى نزلوا ودخلوا داخل ؟؟؟؟؟؟؟؟؟؟؟؟؟؟؟؟؟؟؟؟؟؟ علامه استفهام كبيرة ثانية
الموقف الثالث : رحت احد الاسواق بالخبر وهذا السوق بالتحديد للعائلات ورجال الامن مايدخلون الشباب
طبعا حاولت ادخل رفض رجل الامن قلت له بمزحه ( يبوي خلنا ندخل لا تصير معقد مع ضحكتين شويتين )
قالي تفضل ودخلت ؟؟؟؟؟ يوم دخلت لقيت الشباب داخل المجمع اكثر من العائلات ؟؟؟؟؟؟؟؟؟
علامة استفهام كبيرة ثالثة ؟؟؟؟؟؟؟؟؟
الموقف الرابع : كنت بمعارض السيارات وجاء هندي وصدم سياره واحد سعودي مو صدمه (حكه )
قام السعودي يهاوش الهندي والهندي منزل راسه بوسط جمهره ورجه والسعودي مازال يغلط على الهندي
ومبين على الهندي عاقل قال : ( جيب شرطه لا يسوي قرقر )
المهم والسعودي مصعه بكف ومازال الهندي منزل راسه وصابر
والسعودي يزيد السب والشتم ويمصعه الهندي بالكف الثاني ومازال صابر ومتحمل
ويمصعه بالثالث ويلتفت الهندي للسعودي ويمصخه كف لو صمخه لحمار انصرع
وصط ذهول الجماهير ؟؟؟؟؟؟؟؟؟؟؟؟؟؟؟؟؟؟؟؟؟ علامه استفهام للي شفته رابعه
ياليت تلقون للتصرفات اللي شفتها تفسير ؟؟؟؟؟؟؟؟؟ بنظر كل شخص فيكم ؟؟؟؟؟
تحياتي هــديــل الشوق
رد مع اقتباس
كان بيسوي لك فيلم speed
