[align=center]السلام عليكم ورحمة الله وبركاته
أتيت أنيخ راحلتي هنا في غرابيل بدعوه من اللبق الشاعر / فايز بن ماجد
وأصافح قلوبكم بهذه القصيده علها ان تنال رضاكم وتصل الى مستوى ذوقكم الرفيع ..[/align]
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
لا يا غناتي حـرب سالـم ومسـروح=وأخص منهم عـوف نـاسٍ صدوقـة
وين الذي يآمر علـى القلـب والـروح=وينه عسـى مـا بـه خـلافٍ يعوقـه
وين الذي دايم على الوصـل مشفـوح=وينه عسى مـا ذقـت لا مـا يذوقـه
ما ذقت غير الهـم والحـزن والنـوح=وذكرى تلوع القلـب ويـزداد شوقـه
ماهو حرامٍ يسـرق القلـب ويـروح؟=ماهي جريمـه يـوم يقطـع عروقـه؟
والله لسير الزيـر لـو صـار مذبـوح=وأقتص من جسـاس وآخـذ حقوقـه
ومنيب انـا فهـدٍ لـو الـدم مسفـوح=هـذا حبيبـي منهـو اللـي يفـوقـه
هذا عريب السـاس بالزيـن ممـدوح=ما شفت انـا مثلـه بحسنـه وذوقـه
كلـه علـى بعضـه جميـلٍ ومملـوح=لامـن سـال قلبـي يجـاوب خفوقـه
لا من حكى عطرٍ مـن المبسـم يفـوح=ولامن ضحـك للغيـم لاحـت بروقـه
قمت اتذكـر لـي سواليـف ومـزوح=مـع الأميـن اللـي خفوقـي يبوقـه
اذكر يقول انته هـوى البـال والـروح=ومهري حليـب السبـع لازم تسوقـه
واليـوم بغيابـه هواجيـس وسـروح=ودمعة ألـم شابـت ونفـسٍ زهوقـه
جيته بقول اني مـن العـام مطـروح=والنفس لجل الوصـل ظميـا شفوقـه
قال الوصال اليوم ممحـي وممسـوح=وأرسـل تناهيـدٍ وعبـرا إمخنـوقـه
ليلة زفافـه دمـع وآهـات وجـروح=جـرحٍ عميـقٍ محتمـل جـرح فوقـه
وليلة زفافـه ماتـت افـراح وطمـوح=وماتـت أمانينـا ومـهـره سبـوقـه
أضحك على نفسي وانا اكتب على اللوح=الله خلقهـا لـي ولــي إمخلـوقـه
وما دمت انا حيٍ وفـي عالـم البـوح=هـذي حكايـة عاشـقٍ وإمّعشـوقـه
ومـدام بـاب الـرب للخلـق مفتـوح=الله يعـيـن القـلـب لا زاد شـوقـه [/poem]
رد مع اقتباس
