في البرد ........ وعندما تستيقظ باكراً ..
هذا إن استيقظت أصلااااا
لأنك تخرج رجلك من تحت البطانية .. وبدون شعور تجد رجلك منسدحة عند يدك ولسان حالها يقول : (( اما
عاد اطلع أول وحدة في البرد|2| ))
وبعد مشاورات بين يدك ورجلك وخشمك ومن يطلع أولا من تحت البطانية .. تقوم متثاقلااا وانت تلعن ابو جدار
بيتكم << قايم من النوم ما عليك شرهة
تتجه مباشرة لتشطف خشتك بالماء البارد .. لإن السخانة ما يجي في راسها تخرب إلا أيام المربعانية
المربعانية (( ليالي شديدة البرودة تجعل اذنك قطعة ايسكريم يلحسها كل بزر يمر من جنبك))
وبعد أن تشطف وجهك .. لا تسمع إلا صوت ضروسك وهي تتصافق مع بعض كأن لهم سنين ما شافوا بعض
تمر من جنب بطانيتك .. وتنظر لها نظرة برئية وتقول في نفسك (( بلا دوام بلا هم )) ولكن يجاوبك صدى من
زاوية الغرفة يقول (( اعقل لا أجيك وامحطك بالعقال )) وتكتشف أن هذا الصوت ما هو إلا صوت ثوبك المعلق
في دولابك (( على طاري الدولاب ... يقولون فيه واحد غبي لابس كل ملابسه اللي في البيت ,, ليه ؟؟؟
لأنه بايع الدولاب :) ))
ويطري عليك الوله خخخخخخخخخ ويطري عليك الدوام ... وتلبس ثوبك وتحته خمس فنايل ... ومن زود
الحرص تلبس فوقه كوت وفروة (( الفروة هي لباس تشوفه من برى ما يعجبك .. بس يوم تلبسه تنسى شئ اسمه كشخة ))
تنزل بسرعة لكي تشغل السيارة .. وتتركها لكي تتحمى .. وفجأة يخرج لك قطو ما تدري وش يبي .. لكن إذا دقك البرد في ظهرك تعرف ليه هالقطو الضعيف منخش داخل مكينة سيارتك خخخخخخخ
وبسرررررعه تلحق على الحليب الدافي لا يخلصونه إخوانك الصغار ,,, لأن هالبزران بينهم تنافس في كل شئ .. وما تدري يمكن تركب في روسهم تنافس على من يخلص الحليب ,,,
وإذا لحقت لك على كوب حليب .. تشربه وأنت طاير ولو يحرق براطمك ما عندك مانع لأنك تقول يمدي البراطم تبرد من الصقيع اللي برى ...
يمكن تشوف لك منظر يقهرك وأنت طالع ... بس انصحك تمالك اعصابك .... لأن بتشوف لك بزر من بزارينكم قايم الصبح معكم وهو ما عنده لا مدرسة ولا شئ .. (( بتسول لك نفسك إنك تشوته ,, لكن مثل ما قلت لك تمالك أعصابك ))
طبعا البرد راح يخيك تتمنى أشياء كثير بس هنا أقدر أقولك عبارة (( أها بس )) .. مثلاا بتشوف عامل البيت وهو قاعد ينظف الحوش وانت طالع للدوام .. وبتتمنى إنك تصير مكانه ..
لأنك تتخيل إنه بيرجع ينام أول ما تطلع ...
ويمكن تتمنى أنك تفصل من عملك ... وتصير رجل أعمال علشان تقوم من النوم على راحتك ... فاقول لك يا ابن الناس : اذكر الله .. واقضب دوامك .. وخل عنك رجل أعمال ورجل حصيصةخخخخخخخخخخخخخ الله يرجني
معلومات تهمك في البرد:
1- ليس كل ما يشتعل حطباً .. يمكن تكون غرفة نومك لأن طالع ومخلي الدفاية تشتغل
2 - لا تأكل البيض كثيراً .. لان عواقبه وخيمة خصوصاً المسلوق ,, وإذا أكلته لابد يكون معك طيب في مخباك !!!!!
3- حاول أن تصد بعيونك عن إخوانك الصغار اللي ما يدرسون وقايمين من صباح الله خير .. لإنهم قد يتعرضون لمضايقات من شخصكم الكريم
4 - البرد اللي ما يمرض .. يجيب النوم
5 - تعايش مع القطط لإنك بتشوفها كل يوم تحت موترك
6 - اذا شفت عامل البيت ينظف بيتكم رش عليه موية علشان ما تنقهر منه وانت طالع
7 - اخيرا وليس آخراً .... لكي تتاقلم مع البرد تذكر إن وراه صيف يقطع القلب ... حاول قدر الإمكان أن تستمتع بالمربعانية
رد مع اقتباس
