[align=center]طين طون..تعلن الخطوط الجويه العربيه السعوديه عن تأخير رحلتها رقم 39 والمتجهه الى نيويورك
نبض: لاحوووووول...هذي ثالث مره يأجلونها..وبعدين يعني..ماتسوى علينا هالسفره
-لو سمحتي...انتي الاخت نبض من منتدى غرابيل؟؟
نبض: ايوا..بشحمها ولحمها
-متاكده انتي؟؟
نبض: لادقيقه اصبري بدق على امي اسالها..ايوا انا وجع يوجعك
-عرفتيني؟؟ انا فش فاشه
نبض: متأكده انتي؟؟
فش فاشه: لا دقيقه اصبري بدق على ابوي اسأله..ايوا انا وجع يوجعك
نبض: ياشين التقليد خخخ..كيفك وش اخبارك..
فش فاشه: بخير ياجعلك بخير..انتي وش اخبارك..وش عندك جايه المطار
نبض: ابد..بشتري لي كم طياره على كم هليكوبتر واروح..يعني بالله وشو له جايه؟؟ عليك اساله زي خشتك
فش فاشه:يختي لاتلوميني...فكري محتاس...خايفه
نبض: وشو منه خايفه؟؟ متى آخر مره شفتي صورتك؟؟===بتتسطر بعد هالموضوع:كلوش:
فش فاشه: اقول انثبري بس...خايفه من سفرتي ذي..
نبض: ليش انتي وين رايحه؟؟..لايكون فلسطين
فش فاشه:لا..بروح اسيّر على بن لادن واجي..يختي قسم بالله مالتس داعي..بروح نيويورك...ابعدّل بالخشّه شوي..خبرك توني كاتبه موضوع عن هالعوانس وطاقتني الكآبه..ياخوفي تصير حالتي زي حالتهم..:زعلان:
نبوضه: ليش؟؟ ..انتي من اللي قاص عليتس وقال لتس بتعرسين اصلا؟؟...طبعا حالتس زي حالتهم...وابشرك..انا معكم بعد...لكن بيني وبينك..حتى انا رايحه نيوورك رحلة سمكره...
فش فاشه: وتتطنزين؟؟ الطيور على اشكالها تقع..المووهم قولي لي وش بتسوين؟؟
نبض: والله مانيب مسوية شئ..مجرد ابنفخ خدودي وبراطمي شوي ..وخشمي اذا مافيه مانع...وعيوني برضو..واذوني..وجبهتي كمان
فش فاشه: على كذا بنخلّيك شعار خليجي 18
نبوضه: بالله؟؟ ..اجل هاتي انتي وش بتسوين؟؟..خلينا نشوف يا..برتني سبيرز
فش فاشه: بطوّل خشمي ورجولي..وبصغّر عيوني...
نبوضه: حلو..طاائر النورس بس مشوّه شوي
فش فاشه:نشوف مين يضحك في الآخر:زعلان:
طين طون..يرجى من جميع ركّاب الخطوطط الجويه العربيه السعوديه والمتجهه الى نيوورك...التوجّه حالا الى البوابه رقم 5..والله ولي التوفيق
فش فاشه: وراه بعد ماتكتبين((هذا وقد اعذر من اانذر))..الله يفشلك بس...ماعمري سمعتهم في المطار يقولون والله لوي التوفيق
نبوضه: اقول انثبري قصتي وانا حره
فش فاشه: هذا وجهي اذا عطيتك نجوم...طاااااااااااايب
نبوضه: انقلعي انتي ونجومك..خليها لك ..كل يوم لصّقيها على خشتك اللي كنها علبة ببسي داعستها بي ام
فش فاشه: هيّن يانبوضه..اوريك وربي
نبوضه: اششششششش...خلاص..نتهاوش بعدين ...خلف الكواليس الحين حنا ابطال القصه
فش فاشه: ايه صح وين وصلنا.؟؟ المفروض تقولين لي ((يالله قومي شيلي الشنطه خلينا نركب الطياره قبل لايغيرون رايهم))
نبوضه: أي والله صح..دقيقه انسخ جملتك اللي فوق .. يالله قومي شيلي الشنطه خلينا نركب الطياره قبل لايغيرون رايهم
فش فاشه: يالله ..سرينا..
نبوضه: خخخخخخ وين شنطتك
فش فاشه: وجع ماتشوفينها؟؟ هذي هي
نبوضهه: ههههه والله طول هالوقت على بالي ظلّك
فش فاشه: وهـ بس بطني تقطّع من الضحك...امشي بس تحركّي لايمشون علينا
وفي الطياره:
نبوضه: لو سمحتي سستر وين نقعد؟؟
فش فاشه: سستر؟؟ مضيفه الله ياخذك
نبوضه: وانتي وش دخلك للمره الثانيه اقول لك قصتي وانا حره
المضيفه: اكسكيوز مي..ست داون هير بليز..
نبوضه: فش فش..يرحم امك اعطيك اللي تبين يابعد قلبي والله خليني جنب الدريشه
فش فش: تحلميييييييين..خلي اسلوبك ينفعك
نبوضه: الله يخليك قسم بالله اول مانوصل بشتري لك خمسطعش وجبه ماكدونالدز وثلاثين ساندويتش شاورما و44 كرتون شيبس..واللي تبين...بس خليني اقعد جنب الدريشه...يختي ابصوّر
فش فاشه.:((تتكلم وسعابيلها نازله منها كنها شللالات نياقرا))...طيب يالقرويه..ابخليك تقعدين مكاني وياويلك لو مااشتريتي لي اللي قلتي...يالله انقلعي روحي صوري تسن عمرك ماشفتي خير
نبوضه:ياحبني لتس ياشيخه..وللنجلاء..وامووله..و سعود...وكل اللي يتابعونا الحين..
فش فاشه: طيب لايكثر..ابنام..وانتي بعد نامي نامت عليك طوفه..بكره ورانا عمليات لين تقولين بس
نبوضه: أي والله صدقتي ياوخيتي..تصبحين على خير...
وبعد برهه من اوقت
نبوضه: فش فش...فش فووشه...فشافيشوو...اوووووووو وه وجع فشيشه
فش فش: هااااااااااااااه
نبوضه: نمتي؟؟
فش فش: اقوم اسطّرك يعني؟؟ والا اكتّب مذكرات هالرحله بخشتك؟؟. .والا وش تبين اسوي فيك بالضبط...يختي انا الغلطالنه اللي رضيت اصير بطله من ابطال قصتك المخيسه ذي
نبوضه: خخخ طيب اسمعي...تصدقين طفشت وجاني النوم من جد..وش رايك اشفّر هالمقطع ونروح على طول لمقطع المستفشى؟؟
فش فاشه: براحتك انا وش دخلني
نبوضه: لا من جد شاركيني على الاقل..يعني تبين نسوي مغامرات الحين والا اكتب مقطع المستشفى على طول؟؟
فش فاشه: أي والله لو تختصرين احسن
نبوضه: خلاص تم
طووووووووووط
في المستشفى...
الدكتور: ياساتر ياساتر..دنّتي حاله معئّده اوي==رايحين مصر والا نيويورك
نبوضه: دكتور...ياليت لو تستعجل شوي..زي ماقلت لفش فاشه قبل شوي..فيني النوم وودي انهي القصه بسرعه..سو اللي تبي فيني..اقلب وجهي علبة شطرنج ماعندي مانع..لكن تكفى استعجل ابنام
الدكتور: طيب انا حوريك دلوقتي صوره تعبيريه لاشكالكم بعد العمليه..وانتوا شوفوا واحكموا
اولا: فش فش
نبوضه: لحظه لحظه دكتور..مو قادره اتحمل جد بنام وبكره نكمل...والا اقول..وش رايك نقول انفجر فينا المبنى وخلاص؟؟ توته توته خلصت الحتوته
الدكتور:لا..بتتكلمي قد؟؟ حرام عليكي واللهي..دنا حالئ دئن بـ 2 جنيه عشن اطلع معاكي بالؤصّه..وبعدين بتصفطيني؟؟ لييييييه..دنه عملت الك ايه؟؟
نبوضه: اقول تصبح على خير بس
Z z Z z Z z Z z[/align]
وفجاه ومن دون سابق انذار خلصت القصه =====ياشين اللي يكتب وهو نعسان