هذه أبيات فرأتها في أحد المنتديات وحاولت الرد عليها أتمنى أن تنال إعجابكم مع الشكر للجميع وتقبل الله الصيام والقيام :
[i]
لاوخساره هقــــــوتي فيك يااعمار ,,,ظنيت فيك الخير ونتي رديه
حسبت سهمك يرتفع فوق الاسعار ,,, كنــــا انتوقع فوق تسعين ميه
ياليت ماصارت ولا ذكرها صار ,,, والناس بلشت بين روحه وجيه
{ لا واحسايف }
لا واحسافه تنطوي فينا الأعمار
ــــــــــــوالكل يركض ماحسب للمنيـه
هذاك يجمع مال وأوقات سمسار
ـــــــــيليتـنـا يالقـرم نـرفـق شـويـه
الكسب طيّب لكن البعض منشار
ــــــــ يبي دراهـم لو يعـادي خـويـه
ترى القبر صندوق بوسطه أسرار
ـــــــــ يبقى العمل ياخوك مثـل المطيه
يورّدك إجنـان ربي والأنهـار
ـــــــــ لاصرت شخـص ٍ ماعرفت الرديه
تحفظ صلاتك ميزتك خشمة الجار
ــــــــ وتقراء كتاب الله صبـح وعشيه
والمـال ماهـو دايـم ٍ دوم دوّار
ــــــــــ أمـا سبب للفـوز والا الأذيـه
الله من رجل ٍ على الخلق قد جار
ــــــ بسبـاب ماله دنيتـه جـت شقيـه
أيامنـا لاشك عتـق مـن النـار
ــــــــ عشـر ٍ وفيهـا ليلـة ٍ له مزيـه
يـالله يـاحافـظ نبيـّك وسـط غـار
ـــــــ تلطف بنا يارب عن كـل سيـّه
تغفر ذنوبي العبد حيث إنها إكثار
ـــــ سبحـانـك الله عالـم ٍ كـل نيـه[/i]
مع التحيه للجميع .
رد مع اقتباس
مافي شي اسمه محال
