رجل نمساوي يطلق زوجته.. ويلحقها أصبعه !!

[سمووره]

شكلها مطلعه روحه وجابت له الغثى والهم ومن فرحته بالطلاق قام قطع اصبعه

ياحليله كسر خاطري راحت اصبعه على الفاضي

وش هالنسوان الي تجنن بهالرجاجيل لدرجة بتر الاصابع

يبيلنا نجلس معهم جلسه وناخذ دروس خصوصيه منهم خخخخخخخخخخخ

ييسلموووو سعود الله يعافيك ماقصرت

[دفء البوح]

شكله متعقد منها وعلى كذا تعقد من الحريم على طول


اكيد صابته حاله نفسيه من شيئ اسمه حريم ههههههههههههههههه




شكرا سعود على خبرك الجميل



تحيتي

[ناعمة]

ههههههههههههههههههههههههه ههههههههههههههههههههههههه هههههههه


كان قطع يده ولسانه بعد


تسلم والله النمساوية


هذي الحريم والا بلا


بس ياتُرى

اخذت اصبعة او رفضت ؟

او

اخذت الخاتم وعطته اصبعه ؟

او

اخذت الاصبع وعطته الخاتم ؟


خخخخخخخخخخخخ


اقول مصدقين انه قطع اصبعه كره لها


بالاحرى اصبعه ماله قيمه ..

اتحداكم ان ماصار فيه خلل

لأن الرجَال مايترك شيء لله للمرأة وخاصة بعد الطلاق ..



//

سعود

انتبه ان كيدهن عظيم

:خجل:

[*أهداب*]

أهل العقول في راحة

بغيت أرد ..بس قلت بلاش ..

مشكور سعود...على هالنقلة
ولا تكثر قراءة مواضيع أنتقامية بين الأزواج ترى هذا راح يعقدك مستقبلاً...

فسبحان من جعل بينهما مودة ورحمة...

[أمل عبدالعزيز]

ههههههههههههههههههه

أهداب تقولين بغيت أرد بس بلاش

طيب ألي فوق ذا وشو؟

اصباع !

ولاووشوو

يعني الحين فوق أنتِ مارديتي!! صح!!

بس كلام نفسي
ههههههههههههههههههههههههه ههههههه

ناعمة وربي ردك مجنون

ههههههههههههههههههههههههه هههههههه

[سعود]

لي رجعة


وبرد عليكم كل ابووووكم



<<== بيروح يدور اصبع النمساوي ويرجع


<<== حاقد على بعض الردود من بعض السحالي


تحية عطرة

[النجلاء]

لحظه خذ ردي قبل ترد يابطل هههههههههههههههههههه

اول شيء اشكرك على هالخبر المبهج والله يجعله في ميزان حسناتك لانك فرحتنا فيه ,,,,,

ثاني شيء كنت أتمنى ( وليس على الله بكثير ) انه يكون متزوج اربع ومطلقهن كلهن وقاطع لكل وحده اصبع ومرسله لها عشان مايبقا له الا اصبع واحد يحطه بخشمه الغبي المتخلف الارعن الاهوج النمساوي ,,, وليته بعد من زود الكرم قاطع اصبعين لكل وحده عشان مايبقا الا اصبعين ياكل فيها زي العصيان الصينيه ههههههههههههههههههه

بعدين مسألة التقطيع ماهي غريبه عليكم قبله فان جوخ الرسام المشهور مالقى شيء يهديه حبيبته قام قطع اذنه ولفها بمنديل وارسلها لها ,, وهي يوم شافتها قالت اييييه هذا وهو بلح وشلون لاصلح ,,, من الحين قطع اذنه اجل لاتزوجته وش بيقطع الفاهي وانحاشت وخلته ,,, وهو انهبل ودخلوه هو واذنه لمصحه عقليه قعد فيها لين خاس ومات ,,,

ثالث شيء خذ هالسالفه اللي قريتها مره بكتاب يحكي عن ذكاوتكم هههههههههه

واحد كان متزوج اربع حريم وخش يوم وهو معصب وتهاوش مع وحده وطلقها جت الثانيه قالت حرام عليك الحرمه ماغلطت عليك الغلط اللي يستاهل الطلاق قال وانتي بعد طالق جت الثالثه قالت وش طاعونك انت اليوم و و و وقبل ماتكمل كلامها قال لها وانتي بعد طالق جت الرابعه قالت لا بالله الا انهبلت قال لها وانتي بعد الحقيهم وطالق بعد ,,,

كل هذا وجارتهم تسمع الكلام من بيتها قالت يافلان اشهد بالله انك انهبلت الحين تطلق حريمك كلهم في ساعه وحده رد عليها قال وانتي بعد طالق اذا سمح لي زوجك ,,, رد زوجها قال : مسامحك مسامحك ههههههههههه


سعود تسلم على هالخبريه <<<<< وين يسلم بعد هالرد ههههههههههههههههههههههه

يعطيكم العافيه كلكم


شكر خاص لهدوووبه اللي تعلمت منها تلوين الكلام بالردوود <<<<< ماتنسى شيء هههههههه

[*أهداب*]

ههههههههههههههههههه

أهداب تقولين بغيت أرد بس بلاش

طيب ألي فوق ذا وشو؟

اصباع !

ولاووشوو

يعني الحين فوق أنتِ مارديتي!! صح!!

بس كلام نفسي
ههههههههههههههههههههههههه ههههههه

ناعمة وربي ردك مجنون

ههههههههههههههههههههههههه هههههههه

أضحك الله سنك يا أمووله
توني أشوف ردك

لا هذا رد على سعود ..

لأنه كل شوي مطلع موضوع عن الأنتقام بين الزوجين..

عاد كان في خاطري رد على السالفة نفسها
قلت بلاش ..هنا عالم ثقافتها فوق المستوى
ولا قارئة الفنجان<<-- ماهي ألي تبع نزار قباني


ويحرفون الكلم عن مواضعه..


سعود تعال أقرأ ...ما يأتي ..

قارئة الفنجان

جلست والخوف بعينيها

تتأمل فنجاني المقلوب

قالت:

يا ولدي.. لا تحزن

فالحب عليك هو المكتوب

يا ولدي،

قد مات شهيداً

من مات على دينِ المحبوب

فنجانك دنيا مرعبة

وحياتك أسفار وحروب..

ستحِب كثيراً يا ولدي..

وتموت كثيراً يا ولدي <--- ماهو بس قطعت أصبع


وستعشق كُل نساء الأرض..

وترجِع كالملك المغلوب


شفت ياسعود ...فلعل فعلته لم تكن كرهاً للزوجة
بل إبقاءاً على العهد

فكل ما شاهد أصبعه ذكر زوجته وأنه فقده وفقدها معاً...

[ناعمة]

اموله
سعود وقصة النمساوية خلى فينا عئـــل

كل يوم طالع لنا بقصة

ههههههههه

//

النجلاء
وربي قصتك فضيييييييييييعه
ههههههههههههههههههههههههه هههههههه

//

سعود ننتظر هجومك :هاها:

[*أهداب*]

حقيقة يالنجلاء تو اقرا ردك ...طلعتي اللي بقلبك كله ...

لا ولا سالفة فان جوخ الرسام المشهور


الله يسلم راسك ويستر عليك


والعفو عيوني فيه نقطه ابيك تعلمينها المهم جداً حطيه بالأحمر وحطي تحته خط

[النجلاء]

النجلاء
وربي قصتك فضيييييييييييعه
ههههههههههههههههههههههههه هههههههه

الله يسلمك ويخليك يانعوووومه انتي افضع <<<<< وحده ماتعرف ترد هههههههههههههههه

بس اي وحده فيهم ؟؟

ابو اذن او ابو اربع هههههههههههههههه


هدوووووبه القمر

الله يسلم راسك ويستر عليك

تسلمين ياعسل ويسلم غاليك وربي يستر عليك دنيا وآخره

والعفو عيوني فيه نقطه ابيك تعلمينها المهم جداً حطيه بالأحمر وحطي تحته خط

اشكرك ياقلبي على التوجيه

وشكلي برجع اخطط كل ردوودي ههههههههههههههه


وسعووود شكله خرج ولم يعد ؟؟؟

[أمل عبدالعزيز]

بنات لا
سعود راح قطع اصبعه ألي كتب به االموضوع

ههههههههههههههههههههههههه ههههههههههه

صدقتي يانعووومتنا

أهداب ياشيخة ربي يزيدك سعادة وشروووق وبهاء<== خير إن شاء الله


نجولة

عاد أنتِ حالة استثنائية وربي

هههههههههههههههههههه

فان ولد جوخ؟؟

ههههههههههههههههههههههههه هههه

بصراحة كل قصة أحلى من اختها

ههههههههههههههههههههههههه هههههه

بنات الموضوع ذا صار حكري لنا

شوفوا بس هذا وألي متسببة في قطع الأصبع نمساوية
كيف لو سعودية؟

كان هنا

مع السلام الملكي

ساااااااارعي للمجد والعلياااء

ههههههههههههههههههههههههه ههه:11ight_li

[بنت الريف]

الا اقول عسى ماتمصع ياسعود هالنمساوي يوم قطع أصبعه عاد من زينه هو وخاتمه
اراهن ان اصبعه فيه اعاقه والا جذام قال اقطعه واتخلص منه واقول ان امرتي هي السبب <<<<<يحذف بلاويه على غيره

يا حلاله لو انه ممصوعه ارقبته عدل بدل اصبعه

هالنمساوية ما راقت لي ولا عجبتني حرمة ماهيب سنعة مثل الزوجة الاسترالية اللي خلته بخبر كااااااااااااااان واخواتها

سعود نفسي ادور لك زوجة بمواصفات معينة تخليك تقطع السانك وخشمك وتفقع اعيييييييييييونك<<<<<<<< ههههههههههههههههههههههههه ههههههه جايه بشرررررررررررررررها ماهجدت:هاها:

[سعود]

8

أشم رائحة تهكم

في بعض ردود النسوة

اليوم بالعكس الوضع وابدأ من الاخير



بنت الريف

اراهن ان اصبعه فيه اعاقه والا جذام قال اقطعه واتخلص منه واقول ان امرتي هي السبب <<<<<يحذف بلاويه على غيره

الجذام والله في رأس النمساويه


اللي قرفته في حياته

وخلته يضحي باجزاء جسمه


وبعدين انتي لك سنين تقولين بخطب لك


ماشفنا شي


تحية عطرة

[سعود]

أمل بنت عبدالعزيز

بنات الموضوع ذا صار حكري لنا

لاااا ياشيخه



أقول انسحبي من الموضوع انتي وبناتك


دام النفس عليكم زينه



<<== ناوي يمثل باصابعهم



مشكوره على مرورك الثاني



تحية عطرة