[img]http://mohra2554.********************************************/mt2.gif[/img]
يقول عن نفسه .. أنا إنسان بسيط جداََ ، أحب الآخرين حب لا يمكن أن تتصورونه ، أعشق الجد والاجتهاد ، أصارع وقت عنيد .. وقت الكذب والنفاق والمجاملات ، وقت لايوجد فيه مكان للصادقين .. ولكن أصارع والتوفيق بيد الله ..
هذا بعض ما قاله في معتركـ الحياة .. شاعرنا / مهدي بن مسفر بن عليان ..
مجموعة أبيات قمنا بصياغتها بطريقة سؤال وجواب ..
س / إلى أي مدى ينظر مهدي بن مسفر وما هي تجاربه في الحياة ؟!
[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ما هو بنا اللي نظرتـه عنـد الأقـدام=نظرة عيوني فـوق روس النوايـف
لي نظرةِِ تبقى علـى مـر الأعـوام= تقى وأنا بالعين شـايـف وعايـف
شفنـا وعفنـا بالليـالـي والأيــام=أحلامنـا فيـهـا تـعـود نكـايـف [/poem]
س / إذن .. من أنت ؟!
[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا مّا اكون بمصاف اللي خذوا الامتيـاز=والآ علي الحـرام ان اعتـزل واستريـح
يا كون والآ ما كون ان صار سبق ولزاز=وانا طموحي شموخه ثابـتِِ مـا يطيـح
واثق من النفس وامشي في الطريق العزاز=ما لف وادور وان رديت قولـي صريـح
وشخصيتي يا ولد ما صابهـا الإهتـزاز=لو كان قلبي دمه يقطر مصـابِِ جريح
وماني بأحب التغطرس لا ولا الإبتـزاز=لا شك راسي يشوش إذا سمعـت المديـح
ونفسي عزيزه وابوي اللي على المدح حاز=امشي على منهجه يا جعل قبـره فسيـح
واللي يحاول يكدر خاطري اعطيـه قـاز=حتى يهون ويمشي في الطريق الصحيـح
واقول له لا تحذف النـاس بيتـك قـزاز=أخـاف تنـدم علـى فعلتـك بالله زيـح [/poem]
س / مارأيك في دموع الرجل ؟
[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ولا يا عيون ضامـك الوقـت لا تبكيـن=أنا طالبك لا يـذرف الدمـع يـا عينـي
دموع الرجل صعبة وتصعب على الوافين=صعيبه على اللـي يعرفـون القوانينـي
حرام أن أخلي الدمع يمشي على الخدين= وحـرامِِ علـى عينـي تفـرح معادينـي
أنا أخاف لا يفرح على دمعتـي مسكيـن=ويشمت بنا بعض الضعـوف المساكينـي
مساكين ناسِِ في عروض البشر ضاريـن=هـل الحكـي والنمـه وينبذهـم الدينـي [/poem]
س / أين يكمن هدفك في الحياة ؟
[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الهدف راس قمه قل تعدى الحـدود = والـدروب الصعيبـه دايـم أيدلهـا
العزوم الـقـوية مـا تـخـاف الـسنـود = تعتلـي وان بغـت قمـه فتحتلهـا [/poem]
س / كيف يختار مهدي بن مسفر صداقاته ؟!
[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أنا كذا من عادتي رافـع الـرأس= وعندي على قولي شهـود وثايـق
ما خاوي الرديان ما حب الأنجاس= اللي ما بين الناس كنهـم علايـق
اللي معــرفتهـم تبشـر بالإفـلاس = وعرف الكفو للأش ماهـو بلايـق
ما يستوى اللي يبغي الدرع والكاس= واللي يصارع للبقـاء ذا الحقايـق [/poem]
س / ما رأيكـ بالصدق ؟
[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
هذا الكلام الصـدق مانـي بكـذاب = كلمة شرف ما هو يخون الحبابـي [/poem]
س / هل يتغير شعور الحب إلى شعور آخر كردة فعل عكسية ؟!
[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
كنت احسب اني معك ماني بمهزومـي= واليوم صرنا نسـب الحـب واسنينـه[/poem]
س / بماذا يرتبط حزن مهدي بن مسفر ؟
[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
من حزني اللي صار ظلي بدنيـاي = والصدر منه صـار كلـه شـلاوي
أخـاف حزني لايفـرح بـي أعـداي = ويصير وضعي بين هاوي ونـاوي
وهموم الأمة هزت أقصاي وادنـاي = يا قصـةِِ فيهـا همـوم ودعـاوي[/poem]
س / هل أنت ممن يهتم بكلام الآخرين ؟
[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
اقول قول الصدق ما هـو بتخميـن=ما اصدق الكذبه ولا الـي كذبهـا
ونتي تعرفين مهدي زين مـا زيـن=الشجرة الخضراء ما هو يحتطبهـا [/poem]
س / ما رأيك في من يتكلم في أعراض الناس ؟!
[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يالي تكـلـم في عـروض الـمقـفـيــن= هرج القفا ماني بأحب استـماعـه
هرج القفى طبع الضعوف المساكين= اللي لـهم عـرض المقـفي بـضـاعـه[/poem]
س / ماذا استفدت من دورس الحياة ؟
[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أدور على الجزله ولا ابحث عن الهزلات=وبيني وبين الجـزل عشـره وعشـق ود
عشقت المعاني والمعالي ولـي وقفـات=علـى منهـجِِ مرسـوم ولا يبيـح السـد
طريقي سليم وما تحسف على اللي فـات=وانا مؤمنِِ في كلمـةِِ كلـشِِ لـه ضـد
انا خضت فالدنيا تجارب ببعض اوقـات=ومنها خذيت ادروس مـن منهـجِِ ممتـد
دروس الحياة اتفيـد والمستفيـد اميـات=ومن لا استفاد من التجارب ترى منحـد [/poem]
س / في الأوقات العصيبة ماذا تقول ؟
[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مالت الدنيا وجعل الشدايد ما تعود = بس حبيت الشدايد تبين بها الرجال[/poem]
س / بماذا ترد على شخص رأيت منه مايريبك سواء من حسد أو عذل أو غيره ؟
[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا شخص رأيك ترى وزنه بحبة شعير=ما همني رأي ناسِِ ما أنعـرف جدهـا
فلا تحط راسك براسي خاف تتعب كثير=ولا توهق النفس في حاجه ما هي قدها
يا بن الأوادم تريح وأسترح من قصيـر=هذي النصيحة هديه ما أحتـري ردهـا
ادروبنا كأيدها وأعرفك منـت بشطيـر=وخطوتك ثبت قدمهـا وأحـذر أتمدهـا [/poem]
س / عندما تكتب إلى ماذا تنظر ؟ الكيف أم الكم ؟
[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أنا اللي عشقت الكيف ولا اعتني بالكم=ولا اشارك الي يعشق الكم في كمـه
طريقي سليم ومنهجي واضح يا عـم=طـريــق يوصلنـي بعـون الله القمـه
ماني بلتفت لهروج ناس ما فيـه دم=وقليل المعرفة طبعه الحكـي والنمـه [/poem]
س / من هو الرابح في الحياة من وجهة نظرك ؟
[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
فعل القدر غصبِِ ولو ما بينطاق=ولأيام هذي تظهر الخافياتي
فالرابح أللي جامعِِ عرف وأخلاق=ولابد ما يقفى الحياة المماتي
العمر يفنى وابن ادم على ساق=يطرد ورى أيامه وهي مقفياتي [/poem]
س / أخيراً .. ماذا تقول؟
[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أماشي زماني وادري أن الزمن يوميـن= هذي تجرب تحكي بعض موجز اسنينـي[/poem]
وللجميع أطيب التحايا .
[align=left]شكر وتقدير للغالية بشرى على البنر .[/align]
رد مع اقتباس
