مساكم الله بالخير .
صراحه قاعد فاضي قلت امحطكم بالموضوع هذا .. ابي احللكم كل ابوكم تحليل غربلي .. .. . فجت على بالي العيادة ..
طبعا في هذه اللحظات احب تباركون لي لاني اخذت شهادة الدختوراه .. وصرت دختور أوادم |3|.
فبعد دراسة مضنيه استمرت لمدة اكثر من 7 سنوات في المنتديات في الإنترنت . وبعد الحيص والبيص
وبعد مادخلت ولا ثلاثين منتدى . فإني احلل لكم العضو من قبل لايسجل .
<<=== اقععععععععععععد مانت بصاحي .
المهم مابي اطول عليكم . انا صراحه ودي نمسك الأعضاء واحد واحد . طبعا بالترشيح .. ولا نروح للعضو
الي بعده إلا بعد ان ننتهي من العضو اللي قبله ..
<<== أفلقني إذا كانوا فهموا شئ ..
ماعلينا . افصلوا النت واقروها بشويش عشان تفهمون ماهو تطلع قلة فهم ومع خسارة اشتراك واتصالات
ومثل مانتم عارفين الإتصالات ماتعرف إبن امه .. وخصوصا بالدفع .
عاد ذكروني اقول لكم سالفة مره صارت معي مع الشركه .. لاتنسون .
يالله اللي يبي يرشح نفسه لاول ترشيح يستعد .. وعلى فكره كل يوم نبي نحلل واحد . .. . يمكن يحتاج لعملية
والله مادري على حسب راي انا .. .
وابي اثنين تمريض ... شباب او بنات ماهي مشكله .. مع إني افضل الشباب .. عشان البنت تغثك لا جت تداوم
مره اخوها سطرها بالليل وحلف عليها ماعاد تداوم .. او ابوها مريض وماخلاها تروح بلحالها بليموزين ..
او السواق ودى فلانه للكلية وفلانه للمدرسة وتأخر علي .. او زوجها تنح ذاك اليوم ولا وداها ..
الشباب بسم الله عليهم .. لاشغلة ولا مشغلة . على طول يجون ولا يغيبون .
المهم اللي يبي يترشح لوظيفه التمريض يجي .. ,واللي يبي يحلل عمره تحليل غربلي . يالله .
(( بدووووووووووون زعل )) عشان نكون حبايب .. مو بكره يجي واحد منتفخ علينا يقول انت قلت وماقلت ..
لا من الحين اللي يزعل لا تشوفه عيني ..
د / مجنـ انا ـونها