[align=center]هذا الموضوع برعاية
اضغط هنا وكل عام وانت بخير
ملاحظه: يمنع منعا باتا قراءة الموضوع من غير الاستماع للرابط اعلاه ابي ادخلكم جو غصب
معليش راح نتعبك هع..اضغط هنا كمان واعتبر نفسك بكورنيش الخبر===كثري منها
اولا..وربي مررره مبسووطه اني راح اقضي هالعيد معاكم
ينعاد علينا وعليكم بالصحه والعافيه
وكل عام وانتوا بألف خير
وعيد سعيد
والف مبروك
وماتشوفون شر انشاء الله
من يصدق ان اليوم آخر حلقه من شهر رمضان
احس انه طااااار====على بالي طبل
من جد ايام حلوه قضيناها...
ياليت كل واحد يجي ويقول لنا كيف تكون اجواءه في اول يوم عيد
بالنسبه لي...
1:اول حاجه اسويها انام بدري عشان اصحى بسرعه يوم العيد والبس ملابسي الجديده
2:اول مااصحى اطالع بالسقف نص ساعه عشان استوعب وين انا فيه...بحيث اننا كل عيد نمشي من الخبر وانا مدري..يسحبوني السياره وانا في سابع نومه..ونروح ديرتن ثانيه مانيب قايله اسمها لو على موتي:mf_popean
3:..اطلع من الغرفه واشوف الاهل واقفين سرى عند الحمام ومن الحماس كل واحد حاط يده فوق الثاني يقال لهم طابور الابتدائي...
4:اقوم والبس اللبس الجديد..وحطوا تحت الجديد خطين===وحده فرحانه
5: اشغّل التلفزيون على القناه الاولى واسمع اغاني العيد..ياسلاااام...واشوف ذيك اللي تأشّر على عيونها وتقول العيد فرحه..وبعدين تفتح ايدينها وتقول اهلا بالعيد..واتوقع والله اعلم ان هالبنت تزوجت وجابت عيال وهم للحين يحطونها
6:آخذ المكياج واقعد العب بوجهي..كل سنه اسوي شخصيه..السنه اللي فاتت سويت تويتي..هالسنه اتوقع يااما بوكيمون او ماروكو..((علما بأني ماخذه دورة تجميل في احد المراكز الصيفيه ..لكن القرويه قرويه ))
7: اجمّع اخواني ونمسك شنط ونروح عند غرفة ابوي ونطق عليه الباب ننتظر العيديه====قرقيعان حشى
8:اطلّع عشره ريال واصرفها ريالات...واجمّع بزارين الحاره...واطلع فوق الكنبه وكل واحد اعطيه ريال واقول له هذا لك انت واختك واغمز له ..يعني ((خل الباقي عشانك))
9:انزل واعطي السواق ريالين واقول له اشتري من البقاله 1 بيبسي و 1 بسكوت نبيل ..وبرضو خل الباقي عشانك====الكرم ذابحني وش اسوي
10:اسلّم على الاهل والاقرباء ..وبعدين نوقف كلنا والبزارين جالسين قدامنا وتجي الشغّاله وتقول واهد اتنين تلاته..تيششششششششز...وتصورن� �...عاد شوفوا الصوره بعدين..تقل منتخب اليمن
11:بعدها يبدا تشتت العايله من جديد ..كل واحد مايدري عن الثاني. انا استلم اخوي ونروح ندج بالشوارع ..احب اشوف التفحيط===وش ذنبي اذا انا عربجيه ..وبعدها نروح نتغدا في كودو
12: ارجع البيت واروح غرفتي واشغّل اللاب توب وماانتبه بنفسي الا امي تدخل علي وتقول((للحين صاحيه من يوم العيد؟؟يالله دوام السوّاق واقف بره))====ابوك يالشطحه
وفي النهايه...شهادة شكر وتقدير الى كل من:
الود ودي امنحهم الدكتوراه الفخريه بعد مو بس شهاده شكر وتقدير:mf_popean
لن ننساكم ماحيينا
الوعد السنه الجايه انشاء الله
ط
ط
ط
طحياطي
نبووضه[/align]