[poem=font="Simplified Arabic,4,darkblue,bold,normal" bkcolor="transparent" bkimage="" border="double,7,blue" type=2 line=0 align=center use=ex num="0,black"]
يامرحبا وأهلين بك ياملثم =يافارسن في القلب صارت سهامه
سهمك قوي والطعن في ملتقى الدم= وأصبح مكانه في فؤادي علامة
أنا أشهد انك في فؤادي توثم=يوم صدت قلبي مثل صيد الحمامة
يوم انت خذت القلب بيديك خاتم = أسرت روحي بعدها في سلامة
من شفت مرسالك لساني تلعثم=هذي البداية حين ضيع كلامه
مدري وش الي صار يوم اني ازهم=يوم قلت شسمك صرت أنا في ملامة
يافارس أنا أرجوك بالله تكلم=يافارسن بالزين علق وسامه
ملكت قلبي وأنت ماأظن تعلم=حتى الجسد والصوت شلت عظامه
لامن سألتك قلت مدري وش الهم =ألي طلبته لو كشف به ندامة
رديت أنا شاري ولك باتقدم=روحي ترى لو رحت قامت قيامه
جاوب وقال أنت شكلك تحلم=مثل الذي يحلم بسابع منامه
يامسهل الأقوال والفعل ماتم=ياسعيد قولك ماتوفي تمامه
رديت في ضيقه وقلبي تألم=لو ماوفيت الوعد باأدفن تهامة
لعيونك أفني الروح والقلب في هم =وأرمي بروحي بعدكم في حطامة
موقعك حددته بقلبي وتسلم =سلمت يالمحبوب علا مقامه
حبك بقلبي صار مع نبضة الدم=في كل نبضة زاد قلبي لزامه
يالله تجمع شملنا اليوم نلتم=واختم لنا بالمسك خير الختامه
تمت وعالمختار صلي وسلم=مليون مرة بالصلاة والسلامه[/poem]