{{ معايدهـ }}
لكنها معايدهـ لم يعشها البعض ... كما عاشها البعض ايضا
ربما تكون عابره .. لكنها ستبقى ذكرى كما كانت الاخريات
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياهيه من جدك تبي تروح بالعيـد؟=وتعيـد لحالـك واعيـد لحـالـي
يعني خلاص إمأكد الحجـز تأكيـد=عدل وبـدل كـان فيهـا مجالـي!
العيد من دونك ترى ماهـو بعيـد=عيدي إلا شافتـك عينـي قبالـي
اما اشوفك واشبـك الايـد بالايـد=واروي عيوني يابعد كـل غالـي
ولاترانـي للسـهـر والتناهـيـد=واعيد وقلبـي عـن العيـد سالـي
لاتقول برسلـك مراسيـل وازيـد=مايروي العطشان غيـر الزلالـي
حبك غدا في القلب ياسيـدة الغيـد=حب ٍ عليـه الطبـع (لا للزوالـي)
تدري بحبك زايـد قريـده قريـد=من يوم صرت تقول انته حلالـي
انا حلالـك نعنبـو كـل عربيـد=حـلال جـدك كلبينـي تعـالـي
ليته جوازك منتهـي دون تجديـد=ولاَ اتَمنى تشوف حتـى الريالـي
ماهوب ودي! لكن عيونـي إتريـد=تشوف زولك في نهار الوصالـي
حـرام قلبـي كنَـه يـدق بالحيـد=دق العدو اللي تمنـى الفنـى لـي
لكن خلاص إمأكد الحجـز تأكيـد=حظه كبير اللي يشـوف الغوالـي
سافر ولكن قبـل ماتـروح لبْعيـد=(كل عام وانت العيد ..عيدي لحالي)[/poem]