[align=center]طبعاً زي ما قلت لكم احبتي ..
لازم نحافظ على مبادئنا كعزوبيه ... وهي ( وقت اقل - جهد اقل - عفسه اكثر ) خخخخخخخ
طبختنا اليوم بدل ما تسوي قهوه وتسوي شعيريه ... اختصار للوقت وللجهد ... نسويها مع بعض :)
المقادير :
شعيريه
نصف كأس سكر .. وان ما لقيت كاس عاد اغرف بيدك وخلصنا ههههههههه
نصف كاسة زيت <-- ترى زيت عافيه مسوين عليه عروض ببنده روح لحق عليه :)
كاستين ونص مويه او اذا المويه ببلاش عندكم خليها ثلاث كاسات
قليل من الهيل المطحوووون <-- عاد شلون تطحنه تصرف
طريقة العفس اقصد الطبخ :
ابرز عضلاتك واعفس ام الشعيريه بين يدينك الين تصير كسر صغيره , ثمن حط الزيت بالقدر وحاول بقدر الامكان يكون القدر نظيف ما بقى فيه شي من تالي السحور خخخخخخخ لمن يسخن الزيت حط الشعيريه واقعد حركها باصبعك اقصد بملعقه ( وحاول تكون الملعقه نظيفه ... ازين لك ترى ) الين يصير لون الشعيريه بني فاتح ثمن طف على الغاز ( تعبي الدبه بـ 15 ريال ) واجد وانا خوك خخخخخخخخ
ثمن صف الشعيريه من الزيت وحطها بقدر ثاني وحط عليها المويه الين تغلي ثمن حط السكر وبعد السكر الهيل خخخخخ وقلبها زين الين يختلط الحابل بالنابل .. بعدين خلها شوي ولا تروح بعيد عن القدر ... الين تنشف الموية
ثمن حطها بالدله خخخخخخخخ وصب للرجاجيل القهوه بالشعيريه هههههههههههه لا تصدق انت وياه
حطها بصحن واذا ما لقيت صحن جبها بقدرها وحطها ع السفره ...
وشعيريه هنئيه باذن الله
وزي ما قلت لكم : وقت اقل , جهد اقل , عفس اكثر ... رددوا وراي خخخخخخخ
فمان الكريم [/align]