[align=center](((بسم الله الرحمن الرحيم)))
السلام عليكم ورحمة الله وبركاته...
بارك الله لكم في شهركم....
أحبتي أسعد الله أوقاتكم بكل خير..
لما أثارت قصيدتي السابقه... [/align]
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
كل الشياطين شهر الصوم صفدها=وشيطان شعري كسر لعيونك اصفاده[/poem]
[align=center]بعض الزوبعه والردود التي تقول ان الشعر من الانس وليس للشياطين يدٌ فيه وانا انما قلت هذا كنايه عن الألهام ليس الا...
كان هذا ما جادت به القريحه .. فتقبلوها على امل ان تنول رضاكم واستحسانكم..[/align]
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
شاعر ولْي فالناس نظره ثاقبه=وأحساس ناتج فلسفه مبنيه
اذا بديت انظر لختم العاقبه=وأعمالنا تُجزى بحسب النيه
والناس ما تستغربه بتراقبه=لشوف الغريب ارقابهم محنيه
ومن شالّه همٍ الينه ضاقبه=ماهوب لاقي فالزمن حنيه
لاسبب الاغماء به ما فاقبه=شعر انس لكن من فكْر جنيه
لبّس عليه الجوخ لينه لاقبه=ثم صار شيخ بجلسةٍ دينيه
متزخرفٍ بالولو حتى راق به=او نقش حنّا زان كف اْبنيه
او كالسحاب الريح لامن ساقبه=ثم انرسم في لوحةٍ فنيه
او كالشهد لامن جنّا ثم ذاقبه=ازهار فكر الشاعر المجنيه
قررت اركّز نظرتينٍ ثاقبه=والشعر شعري تخسي الجنيه[/poem]
[align=center]أما مصافحتي لكم فهي هذه المتواضعه فتقبلوها..[/align]
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الهم يتسلق فوادي مثل متسلّق جبال=الين ركّز رايته في قلب ناصر واستحل
يا صاحبي مافيه فالدنيا غريب ولا محال=من شفتك شخص غيرك يا صحيبي منتحل
والرمش لا صابه رمد لو كان مدعوج وطْوال=ما ينفعه لا جا الرمد يا صاحبي لو يكتحل
والعاطفه تأثيرها يخلف مبادي فالرجال=والناس في طين العيا في وقتنا ذا توتحل
والعالم المتشبعه بالكذب وانواع الجدال=لو عمرهم عاشوه كله في قضيه لم تحل
وفْالفلسفه قالو بان الشعر يا اما خيال=والا محاكاةٍ لواقع كنت اعيشه وارتحل
ومادام راح الواقع الي كنت اعيشه بإنفعال= ابا اعلن استقلال ذاتي عن جيوش المستحل[/poem]