[frame="1 80"][poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
عجزت لا أصبر وأكتم الشعر وأخفيه = مقدر على حبس المشاعر لعانه
حلفت قبل سنين لاأبعد وأخليه = ليه أكتبه فكرت وش هو عشانه
ماكان في قلبي وليف ن يصحيه = ولافيه عود ن ناعم ن به ليانه
واليوم بس اليوم جتني تضويه = اللي لها بالقلب قدر ومكانه
أهلآ هلا يامنوة الروح لبيه = ياغاية المشتاق مدري حنانه
حني على قلب ن حنو ن خذيتيه = يفداك قلبي بس أمانتك أمانه
تراه أمانه لازم أنك تصونيه = مادام قلبي شال قدرك وصانه
ومادام من بين العذارى ملكتيه = أخذيه بأسلوب الدلع والميانه
قلبي فدالك سوي اللي تسويه = الا الخيانه مايطيق الخيانه
ياروعة الدنيا وقلبي يكفيه = أنك معه لو كل هالكون خانه[/poem][/frame]