اخواني واخواتي
اسعد الله جميع اوقاتكم
بكل خير ,,, ومبارك عليكم الشهر ,,
كنت اتصفح لاحد المواقع فقرأت فيها موضوع لاحد الاخوات في ذلك الموقع
وبكل صراحة كلام للا ينتمي للشعر باي صله وتقول انها قصيده . وما احزنني اكثر
ردود الكثير عليها بقول صح لسانك . على ايش ؟ مدري . رصف كلام فارغ حقيقتا ً
لا وزن ولا قافيه ولا فكره ولا موضوع ولا ربط .... الخ .
فرديت عليها بهذه القصيدة . والتي خرجت كيبورديه .
واللتي اضعها بين ايديكم
والقصيدة لاتشمل جميع العناصر النسائية . فقط لفئة معينه .
//
\\
//
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يامبتلين الشعر خلوه للعارفين = خلوه لاهله وللي عندهم مقدره
ماكل واحد كتب له جمله بكلمتين =يقول هذي قصيدة ايه ومعبره
الشعر له قاف وله اوزان يالجاهلين = وقدامها يرسم الفكره على مسطره
حتي ليا قيل بين الناس اله سامعين = وتقول صح الفكر ولسان من عبره
يابنت خلي بحور الشعر للسابحين = اللي لكسب الجواهر دايم ٍ مبحره
دايم لقيعان بحر الشعر متسابقين = وتجيب مرجانه ولؤلؤه ياشاطره
مالك ومال العلوم اللي تحملك شين = خلك في تسريحة للشعرك وفالمنظره
وعلبة مكاييج مع فستان غالي ثمين = وحفلة زواج وعلى جيرانك مسيره
علمي وصلك احذري قبل الخوافي تبين = قدام منشار قافي يجعلك منشره
انا ليا شفت قاف الشعر ماهو سمين = اكتب له الرد بالتفصيل لين اخبره
والرد ياتي على اللي للشعر مبتلين = ياتي لهم في عصار اسود وفي قمطره
واجب علينا نحارب كل مطفلين = حتى يكب القوافي كل مستشعره
وارجوا السموحه من العراف والطيبين = لاهل الفكر والورق والعرف والمحبره[/poem]
وسلاااااااااااااااااااااا اااااامتكم
اخوك / عنيدأأأأأأأألشْعِر