أشغلتا المنتديات التعليمية عن التواصل معكم
لكن لا زلت أتابع ما تجود به أقلامكم على صفحات غرابيل
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أموت لغيابك ولو ربع ساعه=وشلون لا غبتي عن العين ساعات
لبيه يا صوتٍ عشقت استماعه =أجيه عاني لو تطول المسافات
ما عاد فيني للغياب استطاعه=أنتي غيابك كله آهات فآهات
أقول في نفسي غيابك إشاعه=وأنا أتعذّب لا سمعت الإشاعات
صحيح عندي في القصايد براعه=لكن بدونك ما أقدر أصيغ الأبيات
وصحيح عندي للمصاعب مناعه=لكن أخاف أضيع وسط المتاهات
وقلبي أخاف الوقت يلوي ذراعه=ويموت حبك في الشرايين بسكات
لا صرتي أنتي في حياته متاعه=معذور في غيابك وبعدك إذا مات
آخر لقا كنّ المشاعر جماعه=تجمّعت من بعد ما كانت شتات
والكون كله رغم كبر اتساعه=ما فيه ألا أنتي ملا العين بالذات
ضميت حسنك يوم بيّن شراعه=وعوّضت معك اللي مضى قبل بإنصات
ولو تسألين القلب قال بشجاعه=وقتي معك غطّى على كل الأوقات
لكنّ وقت الحب أظلم شعاعه=والوقت يجرح قلب الأحباب لا فات
لا ما قويت أقول حتى وداعه=كنت أتمنى الوقت ينعاد مرات
سألت قلبي عنك وأعلن ضياعه=والحزن صارت له بعيني علامات
والحين صارت عند قلبي قناعه=ودّه يشوفك لو يقولون لحظات[/poem]