وخروا عني ابطب صاروخ
ايه هي دعوه مني الى جميع هواة التفحيط لمزاوله هذه العاده الخطره التي تزيد الواحد تحكما وسيطره على سيارته يعني حريف
فقد اكتشف الشباب المفحط ان التفحيط هو عنصر من عناصر التي تكمل الرجوله لديهم بالاضافه الى العناصر الاخرى من تدخين و مغازل وحاجات ما تنطرى
فالمفحط عندما يقوم بالتفحيط فهو يثبت للغير مدى مقدرته على السيطره على الموتر طبعا هذا على حساب حياته ,فهو قوي و قدها وقدود بحيث انه يضحي بحياته في سبيل التفحيط واسعاد الجمهور هذا اذا ما صارله شي من اختلال وزنه النطله او انصلخ عليه كفر ولا قشع في غيره طبعا راح يكون مصيره الموت ولا اقلها الشلل او عاهه مستمره لين يقضب القبر ويقابل ربه.
بالاضافه الي المميزات للتفحيط هو انك تخسر ابوك الضعيفولا تلعن ام سيارتك في سبيل الجهاد نحو التفحيط . طبعا هذا اذا ما صدمت , وقد اثبتت التقارير ان كل مفحط لابد ان يصدم ولا يضف له واحد ولا يمّوت واحدن مع بالسياره
يعني كانك بتفحط لازم يصيرلك واحدن من هالاشياء. فطبعا انت يالي تفحط حاول قدر الامكان انك تتجنب هالاشياء وافلقني ان ماقد صارلك شي
ومن مميزات التفحيط الي جد لفتت انتباهي هو ان السياره الي تستعمل لتفحيط اكثرها يابانيه يعني كامري ولا مكسيما مهيب امريكيه وهذا يساعد على مقاطعه المنتجات الامريكيه وتخسير امريكا واسرائيل, اما الي يفحط بامريكي فنصيحتي له ان يبيع موتره ولا يحرقه لانه الامريكي مهب لتفحيط وبالضافه انك تساعد على توطين اليهود في فلسطين .
بالاضافه انك اذا فحطت وصدمت ولا ضفيت واحد من المتفرجين الذين يشجعونك (طبعا هذا شي عادي في حياة المفحط) يا انك راح تصلح موترك بفلوسك ولا تتدين ولا راح تدفع 100 الف ريال ديه للي موته ومصيرك ابو زعبل واحلق شنبي كان ما راح يصيرلك شي منها
رد مع اقتباس
شفتوا كيف ان المفحط مخلص في سبيل عمله 
ويستطيع ان يشرح مره ومرتين لك يعني ياخذ شوط وشوطين علشان تستوعب ( ومساكين بعض المفحطين تأتيهم المنيه وهو يقدمون خدمه جليله للجيل الجديد وتعليمه وطبعا في هذه الحاله المدرس يموت موته القطو وتلاميذه يخلونه ويدورون الفركه 
) وطبعا الطالب النجيب هو الذي يستطيع ان يخلف المفحط من بعده يعني يمسك العهده وهذه العهده ما تأتي الا بشهاده مصدقه من المدرس ( المفحط) بان فلان يسوق يسوق زين , فالطالب في هذه الحاله يكبر راسه وكأنه متخرج من جامعه اكس فورد ببريطانيا مدري دبليو كابرس في فرنسا :)
و يصير هدف كل عاشق ان يصل بهالمرتيه ويصير وسط حديث كل المراهقين والعرابجه 
وقالك لا تناديني الا بأبو متعب ,,, فأعرف ان الولد راح سلطه روسيه :)
