أنا ما أخطيت في حقك ولكن الكلام عتاب
أعاتب والعتب كلمة تفسرها معانيها
أعاتب وأحسب بهرجي اليا مني حكيت حساب
وكلمة يستحي منها لساني يبتدى فيها
وإذا أنت من العتب تزعل علينا وبتصك الباب
ترى ما نيب قاصدها ولاني فيك ناويها
ولا ودى على الفرقا وقلبي داخلي مرتاب
أشوف إن الهوا خدعة وأشوف القلب راضيها
وأشوف إن الهوا فرقا مواليف وعناد أحباب
وأشوف إن الجفا خطوة ولاني قادر أخطيها
وقلبي لو عشق يخلص ولو طالت عليه رقاب
وتشهد له دروب الحب حاضرها وماضيها
عشقنا والهوا حسرة مشينا ولا أمل كذاب
بدينا نانبني منها قليل من بلاويها
عرفت الحب من عمري صغير بالغرام وشاب
وقلبي للحبيب أكبر من الدنيا وما فيها
صحيح إنى نويت أبعد ولكن الهوا غلاب
وهي رحلة بديت بها ولا أدري كيف بنهيها
تحريتك شروق الشمس وشفتك للشروق غياب
ولا أضنك تبيع العشرة اللي كنت شاريها
بقى لي بالهوا نظرة وتغريبة ودمع أهداب
وقصة بترك لسانك على العذال يرويها
وأناجي باقي حروفي وبألف للفراق كتاب
قصايد تملي أوراقي أرددها وأغنيها
وإذا مرتني الذكرى وجرحي بالحشا ما طاب
بتبعدني وتدنيني وببعدها وأبدنيها
وأنا عيب علي أشكي من الدنيا بدون أسباب
مدامي ما خذ منها يجيني يوم وأعطيها
مبارك
مسجات رائعه الله يعطيك العافية
كاسب العز