جدتي الله يطول بعمرها دلوعه من نعومه اظافرها<<والله لو تشوفون اظافرها الحين ماتفكها الا الزراديه
وهالدلع انا ورثته منها...>>>اي هين
يعني لما اتكلم اشبك ايديني ...واودي راسي يمين وشمال
واقول كلماااات متقاطعة تدل على الدلع
يا حبي لها مصغره عمرها وحتى اكلها اكل دلع ..
ما تبغى تاكل اكل العجز ... واكلتها المفضله ....
(الحلوياااات بجميع انواعها)
جدتي الله يهداها غير ... هي ما تبغى ترجع لأيام الشباب وبس الا تبغى ترجع لأيام الطفوله..
و كل ماجيت ازورها .... اجيب لها مالذ وطاب من الحلويات ...
( حلويات غنور ..... سكتلز الحمراا.........بولواللي على نعناع)
حتى حلويااتها قديمه .....:هاها:
قررت جدتي انها تظل بيتنا اسبوع لان امي منومه بالمستشفى....
ولمن جات عندنا .... انواع الونااااااسه ,,, كل يوم اقول لأبوي ودني السوبر ماركت اشتري لجدتي حلويات
والمسكينه ما عندها ضروس ... مابقى لها غير ضرس ونص .. الضرس طاح من الحلويااات وقال لها الدكتور
حافظي على النص لا يطيح...
وقرر ابوي انه ما يشتري لها حلوياااات ... وحذرني وقال : فش فاشوه .. يا ويلك ان عطيتي امك الشيخه حلاو
وربي افقع وجهك ..
ومنعنا جدتي المسكينه من الحلويااات ... كسرت خاطري بالليل تجيني بغرفتي وتقول بصوت حزين عشان ينكسر خاطري
تكفين بنتي عطيني حلاو ...انا استغليت جدتي هي عندها فلوس كثير ... ورابطتهم بشيلتها ويا ويل من يقرب لهم
قلت لها اعطيك نص حلاوة بخمس طعشر ريااال هاا وش قلتي جدتي ؟؟
قالت لو الحلاوه بخمسين عطيتك ...
قلت اها جيبي الخمسين >>> انواع الاستغلال...:icon_bigg
والمسكينه ظلت على هالحاله يومين هي تدفع وانا اعطيها الين شيلتها ما بقى فيها فلوس ..
وبعدين الجده ظلت اسبوع ما تجيني ولا تطلبني حلاو ؟؟؟؟
وش السالفه وش صاير ... اكيد طاح نص الضرس الي باقي لها .. وقلت خلني اروح وشوف شنهي السالفه...
بعدين رحت لها ... بغرفتها ...
وشفت الجده وعندهااااااااااااا
علبة االمعسل حقة اخوي بنكهة الفرااااوله جالسه تغط اصبعها ببودرة المعسل ..
وتاكلها ... انا لمن شفتها جلست اصااااارخ ....ولمن شافتني كذاا والا تهفني على خشتي طراقين خلتني اتسنع
ومن صراخي جلسوا خواااااتي من ا لنوم .... وجاااوا للجده بالغرفة ..
وقلنا لها جدتي هذا مو حلاااااو هذا معسل ....
قالت عسل .! ! !
يابنااات خلوا ابوكم يشتري لي مثله ... احلى الدنيا تطورت حتى عسلهم نكهاااااات......
وبعدين قامت اختي أروووووه ,, تطل تحت السرير وما نشوفها الا منسدحه ومغمى عليها
اثر طلع تحت سرير الجده علب المعسل فاضيه بنكهات المشمش والتفااح والفراااوله ....الخ
وحنا كذااا الا ويجي اخوي ويقول ..
بنااات شفتوا علب المعسل حقتي انا من اشتريها ما اشوفها اسألوا الشغاااله يمكن قطتهم ..
وحنا نطالع جدتي وهي تأشر لنا .... وتقول اووووووش ..
وسكتنا ...لمن جااا الصبح ... افتقدت جدتي وهي تجلسني لصلاة الفجر...وانواع الكفوف
ورحت لها الغرفة وما اشوفها الا متمدده على السرير ...واجلسها امي الشيخه امي الشيخه ردي علي
لالالا مستحيل:واء: .... مستحيل جدتي تموتني وانتي بعز شبابك :واء:
>>> مسويه فلم هندي
وهي المسكينه ما ترد
ودينااها المستشفى ..... وقااال الدكتوررر :
المعده حقت الجده .... انتهت .... وصار لها ادمان على المعسل ...وعلاجها انها تشرب معسل في الثلاث وجبااات
ما يصلح نمنعها عن المعسل على طول لازم بالتدريج ...
يا حليل جدتي وبيدها الارقيلة ... وربي تحفه ...يا حبي لها
ما شوف الا الشغاله رايحه بفحم وجاااايه بفحم ... وصارت غرفت جدتي كأنها ديوانيه ...
وظلت جدتي على هذي الحالة شهور لمن خربت جدات الحاره كلهن
قاموا بدال ما يشربون قهوه وشاهي .. صاروا يشربون ارقيله ...
عجااااايز آخر زمن :هاها: ........