[align=center]السلام عليكم ورحمة الله وبركاته
قصيده نُشرت في مجلة المختلف العدد 174
اتمنى ان تنال رضاكم[/align]
[img]http://badral3ofy.********************************************/alnargeseah2222.gif[/img]
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
عشرين شارب ما شرب لي فناجيل=من دلـة ٍ صفـرا بهـا شاذليّـه
من دلة ٍ تبري ضـرم للرجاجيـل=سويتهـا للـي تــردّد علـيّـه
أحد ٍ يقول البن طاغي على الهيل=و أحد ٍ يقول الهيل زايـد شويّـه
احد ٍ يـدور للغلـط بـاب تعليـل=يحـط منقـوده بهـذي وذيّــه
احد ٍ يحلّل حكيها الزيـن تحليـل=.غلطان منهـو يحسبنـي رديّـه
غلطان ثم غلطان يالشيخ بالحيـل=بينـي وبينـه يالوفـي مكرهيّـه
انا ابدويه عزوتي قربهـم ويـل=إيـه إبدويـه والفخـر لبدويـه
أصبر على الشدّات لحظات وتزيل=وتزيل معها كـل محنـه قويـه
لاني من اللي ترتكب عار بالليـل=ولاني من اللي تقبله فـي هديـه
ولاني من اللي شانها القال والقيل=ولاني من اللي تعشق العنصريـه
ولكن يحق افخر وانا بنت........=في عزوتي في عزوتـي ........
يا مشغلين أعماركم حط ٍ وشيـل=حضرة جناب العـز قبّـل إيديّـه
ما مالت الحره ولا تعـرف الميـل=.كل البشـر تـدري بأنـي نقيّـه
يالله عسى حظك مثل صاحب الفيل=اللي نوى مكـه لفعـل الخطيّـه
وجزاه من ربـي بطيـر ٍ أبابيـل=أمسومه مـن عنـد رب البريـه
[/poem]