السلام عليكم
انا معلمه تربيه فنيه في احدى المدارس الخاصه
طبعا انا خريجه جديده
ولكن المصيبه انه المدرسه اللي قبلتني واعجبهم شرحي تحتوي على جميع المراحل
لذا طلبوا من امسك من اولى ابتدائي الى ثاني ثانوي بفروعه علمي وادبي
للعلم الراتب بس 1300 ريال
طبعا ان بحاجه الى شهادة الخبره
اطلعت على ملفات الماده اللي تكون موجوده في الاداره والله والله والله مافيه الا توزيع مقرر عام 1424
وسجل زياره المشرفه كان تابع لنفس العام ومافيه الازياره واحده مسجله عام 1424
طبعا انا انصدمت وانذهلت
هل تتوقعون انه ماراح تجيني مشرفه انا احتاج لها لانه ماعندي توزيع الخطط؟
ولما نسختها من المنتديات لقيت الخطط غير المنهج اللي في الكتاب
ياترى وش اسوي اتبع المنهج القديم او اسوي خطه حسب الكتاب؟
من جد التعليم الاهلي مشكله
والمصيبه ان التواصل معدوم مع وزاره المعارف حتى منتدياتهم موقفين التسجيل فيها
والواحد مايعرف وش يسوي
تصدقون بالله مديره المدرسه جابت قريبتها تدرس متوسط لغه عربيه وهي عندها مواد حمل وتكميل في الكليه
وقالوا مربيه اجيال
خساره والله خساره
انتوا ايش رايكم انا احب الفن واعشق الرسم والاشغال اليدويه وعندي اعمال موجوده والله لو اعرضها تكفي
معارض كثيره
انا احس راسي مصدع هل استمر هل ابطل
كان فيه مفاضله اليوم بالمدرسه بين معلمات علم الاجتماع كانوا ثنتين
قبلوا الاجنبيه ورفضوا السعوديه بحجه انها وزعت حلاوه جالكسي على طالبات الثانوي اللي تميزو معاها بالحصه
هل هذا معقول
ممكن تدلوني على جهه مسئوله عن التعليم الاهلي
احتاج نصيحتكم تكفون
والله اني على اعصابي
للعلم رغم انهم حضروا لي حصتين وكانت من اروع الحصص بشهادتهم ولكن الى الان لم اوقع الا عقد غير ثابت
يقولون فيه عقد ثابت بس من جد الوضع متوتر
وعندي مشكله كمان
ياريت تساعدوني على الثانوي اولى وثاني انا ماعرف وش المنهج لان اصلا مافيه كتب للماده ولا عندهم خطه وماعرف ايش اسوي من وين اجيب لهم منهج ومقرر
انتظر ردودكم