[poem=font="Simplified Arabic,4,green,normal,normal" bkcolor="burlywood" bkimage="backgrounds/1.gif" border="none,4,gray" type=0 line=0 align=center use=ex num="0,black"]
هنيت يا منهو من العقـل مسلـوب=ما يجرحه لـوم ولا يبـدي عتـاب
ولا تشغله دنيا ولا هجـر محبـوب=ولا يميـز بيـن ربعـه والاغـراب
ولا يهمنـه مواعـيـد عـرقـوب=وان زاره احد ما وطى زلفة البـاب
ولا من يقول فلان ما اوفى بماجوب=ولا يقال اصبغ ترى عارضك شـاب
ما هو سواتي جوفه وجار مشبـوب=كني بالارطى داخل الـروح شبّـاب
لا قيل وش بك قلت تكفيـر لذنـوب=الله علم وش بي وهو ربَ الأربـاب
حياتي اللي روحـت كنـت منهـوب=لو قدروها ما سوت حفنـة تـراب
لا واحسايف عمري ان كان محسوب=ولا حصل لي منه يا كود الانشـاب
انا على امري دايم الـدوم مغلـوب=وش عاد ينفعني لو ابديت الاسبـاب
اعيش في صوب والافراح في صوب=قالو تحمل قلـت مـا نـي بكـذاب
(ما قدر المولى على العبد مكتـوب)=وش حيلتي لا صرت مومن ومنصاب [/poem]
رد مع اقتباس
