[img]http://beeentq8.********************************************/البسمله.gif[/img]
[img]http://beeentq8.********************************************/بسمله.gif[/img]
عندما يعلن الورد عن بداية الذبول .. عندما تحكي الرمال عن ألم غامض ..
ورد بأشواكـ .. ودبلة لفظت أنفاسها على رمال الغربة ..
صورة تحمل معاني عديدة .. لونها الشعراء والشاعرات بألوان مختلفة .. كلُُ على حسب ريشته الخاصة ..
للوردة التي تجلت في صحراء الصمت .. شاعرتنا القرينية تكتب :
[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
وردة ظماها الشوق في صحرا الأمطار=ترجي عسى قطـرة نـدى ترتويهـا
تصبر على شح الزمـن مابـه ادرار=حتى كساهـا الشـوك فـي جانبيهـا
مابين شمس(ن)تشرق الناس باجهـار=ومابين ظل(ن)حابـس الخـوف فيهـا
خاتـم زمنهـا كـل ماحولـه غبـار=مايمنعـه كـود الخـطـر لايجيـهـا
يالله عسـاك تبـدل الحـال بـاقـدار=وتصير (وردة)في حمى اللـي يبيهـا [/poem]
عندما يشكي الورد .. ويبكي بقلم شاعرنا زايد الروقي :
[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
خل الورود الـي لهـا عطـراً يفـوح=تشكي على( محبس) يدينه بالاوجـاع
تحكي بصوتً حاويه هـم و جـروح=و يبكي عليه الوقت و يشهد له القـاع
كيف الزمن وقف لنا الصّمت و ميروح=لو تقنعه ما راح صمتـه و لا طـاع
الشـوك ينتـج للغـلا و رد ويبـوح=بأن الحلا يا نـاس لـه لـون ميـاع
ناظر حبوب الرمل من كفهـا ينـوح=يحفظ اثرها من غلاء زيـن الاطبـاع [/poem]
شاعرنا محمد الشمراني تصور حالة إنسانة تجرعت مرارة الهجر من حبيبها فرمت الورد والدبلة لأنه لا يستحق حبها :
[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الله يا صحرا... الظما الله يا......برد الهجيـر=الله على حب (ن) رميته فـي مهبـات الريـاح
اعطيتك احساسي وروحي والمحبـة والظميـر=ما كنت اظن انك تجازينـي بتجريـح الرمـاح
ياهاجري خذ دبلتك خذ باقـة الـورد الوفيـر=دام ان حبك ما احتواني ليه تطلبنـي السمـاح
لا .. لا تحاول تعتذر جرحك على قلبي كبيـر=رضيت هذي دنيتـي والـدار بالبيـد الفسـاح
ابغيك يا ذيب الفلا تاوي على القلـب الكسيـر=ذيب البشر مصدر عذابي مثخن (ن) في الجراح [/poem]
شاعرنا .. ابن البادية لون اللوحة بألوان الوداع والذكريات المريرة :
[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ليش الوداع الله يجازيك قلي=ليتك مكانك ماتركت الي ذكراك
ماتدري انه من كذا وش حصلي=يامنزل(ن) خاتمك من كف يمناك
حطيتلك وردة غرام(ن) اتحلي =مجلاسنا مع حلو ضحكة محياك
واليوم جيت وشفت ياعين هلي=على عشير (ن) عاف حتى هداياك[/poem]
الشاعر سعيد العمودي .. وذكريات ندية قبل أن تذبل الوردة :
[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
تذكر زمان التلاقي كانت الورده =يقطر نداها برغم الشمس والصحرا
ايام كان الهوى واللين والشده =ايام كان الظلام يموت بالقمرا
واليوم هذا مكان الهجر والصده =خذ خاتم الحب قبل البعد والمسرا
واذكر حبيبك لانه كان في وده =يودعك قبل ماترحل مع البكرا [/poem]
[ مخاليب الأشواكـ ] هكذا عنونت الشاعرة العنود أبياتها :
[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا ورد لاتامن مخاليب الأشواك=في بيدتن يصليك حامي لهبـــها
اي متصل بالساق والجذع وياك=ينهش بساقك لين يبقى حطبها
ياورد في سمّه وبلواه جازاك=تارك لهوب الصيف يشوي رطبها
مير الله الواحد ولا اظنّ ينساك=وذكراك خاتم والبيارق نصبــــها [/poem]
شاعرنا ناصر الجعيدي صور قمة العذاب التي تسبب بها الورد لنفسه .. مع بعض الأمل في اللقاء :
[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أثـر العـذاب يعـذب الـورد يـاشـوق=من يوم شفت الشوك لاوي جذوعه
عـذاب فـي جذعـه ولكـن مـن فـوق=هبّت هبوب الصيف واللون روعـه
الله جمـع ورده وخاتـم مـن الــذوق=والعـالـم الله بـعـد فـرقـاء ولـوعــه
كنها تذكرنـي علـى شـوف مخلـوق=واحساسي انها شامنه لي رجوعـه [/poem]
واقع وظروف تحكيه الصحراء .. وحلم لقاء وارتباط اتضح من الوردة .. ونتيجة لتلكـ الظروف يوضحه سقوط الدبلة ليكون هذا النزف مع شاعرنا محمد مساهج :
[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الصوره اللي تعـبر عـن نهـاية حلم =ورده و صحرا و دبلة حب مرميه
أحـلام لكـن هـوت بـالـواقـع المظلم=اللي علي أنقاضها غني ( وداعيه )
أحباب عانوا من اللي يعشقون الهدم=عذال خطوا ... بوجه الوصل مرثيه
والناتج ( الدبله ) اللي تنزف بلا...دم=مـاتت و لكـن بقـت بالـذاكره ( حيه )[/poem]
والشاعرة .. مشاعر حالمة جادت قريحتها بهذه الأبيات :
[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ورده وخاتم حب لجل المحبه= تذكار حبي والدليل الاساسي
يالله عساها تصير للود سبه= وتذكر اللي بالهوا صار ناسي
الصاحب اللي في خفوقي لعبه=واخذت من حبه كثير المآسي
اللي جرحني جرح محتال طبه=انشهد انه حيل ياناس قاسي
ياما نصحت القلب عيا يكبه= وياما سقاني سم في وسط كاسي
اغليه انا بالحيل والله واحبه= لبست حبه مثل مالبس لباسي
ورده وخاتم حب لجل المحبه= جاتك هدية حب ياتاج راسي[/poem]
دبلة مرمية .. ووردة ذابلة .. وماذا بعد ؟! .. ومع شاعرنا محمد فراج الدوسري :
[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
كأن الي رماهـا فـي دروب التيـه مايبالـي=وهي أبعد عليه من النجم وسط الضحى لو بان
بها شوكٍ تسوّرهـا وطوّقهـا وانـا الحالـي=أثرّها باقيٍ فيني وهم هـم وغبـن واحـزان
لقت من يحتفل فيها وقالـت لـي أنـا مالـي=ابوي واهلي وعاداتنا تاقـف علـى البيبـان
ياوين أحلامي الي ضاعت وياوينهـا آمالـي=تموت بطيش رعبوبه وانا دم والحم وانسـان
بسيطه يازمن آخـر زمـن افـراح تغتالـي=بكره او بعد بكـره تجيبـك حبكـة القيفـان
سواءً جيتي أو رحتي نسيتك أوعلـى بالـي=أبرمي دبلتك0 وردك ذبـل يالعنـة الأزمـان [/poem]
ماذا تبقى ؟! .. فقط هي الدبلة تشكي للوردة قبل موعد الذبول .. ومع شاعرنا علي عبد الرحمن الأسمري :
[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مابقْي في وجه الزمن يا قسى الوقت=الاّ بقايا ورد وأنفاس دبلة
دبلة تقول اني طريحة ولا طقت=تشكي لوردة قبل تنزاح ذبلة
ارجيك يمكن ياالذي بالهوى ضقت=ترجع زمان وراجع الحب قبله
يمكن ليا فكرت فيها ترفقت=ترحم بقايا ورد..وأنفاس دبلة [/poem]
بقايا نلملمها .. وذكريات تشتت وتلونت بالعذاب .. فراق مؤلم .. وضحايا وداع .. صورتهم لنا شاعرتنا المهرة :
[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
من بقايا الفراق زهرة شبـاب=قبّلت وجه الثرا تحضن ترابـه
كانت اللقيا لها غيث السحـاب=واستباحـت للفـراق و للكأبـه
وخاتم الذكرى تلـون بالعـذاب=وارتمى بأرضه بعد عز ومهابه
"عمر ووصل"اثنين فوق التراب=هم ضحايا للمـوادع والرتابـه [/poem]
فراق لم يكن بالحسبان .. انكسار لم يقتل حقيقة الحب .. ومع شاعرنا تراحيب الحربي :
[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
كنت ساري يمها وابحتويها=وعن سوالف امس قدمت اعتذاري
كنت ماشي وكل مافيه يبيها=وكل مافيه يبي شوفة عذاري
جيتها غرقان فيهااا مهتويها=جيتها ساري بطوعي واعتباري
والحديقه صمت هادي يكتسيها=غير صوت الورق ولحون القماااري
طشت الورده ولاادري ويش فيها=واتركتني في ذهولي واحتياري
والحقتها الدبله الي في يديها=دبلت ن جتها بذوقي واختياري
هو تعمد تركها ولا نسيها=او نوى يخلي فؤادي من عااري
اتركتها نور عيني مايبيها=ولا يبى للحب ياهل الحب طااري
الهنوف الي قمرنا مبتليها=والسبب تاخذ من القمرا مواري
الهنوف الي فؤادي مهتويها=اطعنتني بالسيوف وبالشباري
اطعنتني اه منها وش عليها=واتركت ورده - ودبله000وانكساااااري
والحقيقه والصراحه امووت فيها=هايم ن فيها ولو طال انتضاااااري [/poem]
أيام مضت .. وأفراح غابت .. ولم يتبقى سوى الذكرى .. وأيام عساها تعود .. ومع الشاعر فايز الماجد :
[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
وردة تذكرّنـي بأنـثـى وحـيـدة=في وسط صحرا فاقده كل الاحبـاب
والدبلـة اللـي قبـل كانـت بأيـده=ماعاد تسوى من عقب فسخ الكتـاب
ماغيـر تدعـي ياعسـى الله يعيـده=ذاك الزمان اللي بكت سود الاهـداب
اصبحت انا من جور وقتي قصيـدة=في صفحة ٍ ضاعت وتبحث عن كتاب [/poem]
وتعبير من نوع آخر صوره لنا الشاعر سعد الجميلي :
[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
تـهـديـنـي الورده/ودبـلـةخـطـوبـه=وتخط لي فوق/ الرمل /بإصبعينك
توبه ماعاد /أشفق/ لطاريك توبه=هالحيـن تــوّك جاي؟ياقوّعيـنـك!!
وين أنت يوم الشوق يلفح هبوبه=فارقني /يرحـم جـدّك /أو.والدينـك
غـلاك عنـدي صارمثـل العقـوبـه=ماعادأبـي وردك /وخـاتـم يديـنـك [/poem]
وكل الشكر والتقدير للشعراء والشاعرات على تفاعلهم .
[align=left]وللجميع أطيب التحايا .[/align]