أنواع الضحكات و مدلولاتها ههههههـا
هههههههههههههههههه :
صاحب هذه الضحكه .. وسيع صدر .. حبوب .. طيوب .. بس مجامل بشكل كبير .. مسالم وعلى نياته .. دايم مبسوط وبارد .. أسوأ شيء انه يضحك أحيانا في مواقف غلط !! .. يعني مواقف حزينة يجيك يضحك يصير ودك انك تصكه باللي معك ... غبي .. بس مليح
ههههههههههههاي أهم شيء ياي
إنسان شايف نفسه متكبر .. ضحكه قليل يقاله ثقل .. متسلط ويحس بالنقص .. ثقيل دم .. أحسن طريقه للتعامل مع هيك ناس .. هو القمع والشكم والتطنيش وعدم رفعه من أرضه .. عشان يعرف أن من تواضع لله رفعه
هاهاهاهاهاهاها بنفس الترتيب:
إنسان مرتب .. يعني إذا دخلت غرفته ما تلقى فيها عود طايح .. كل شيء منظم ومرتب حتى الضحكه .. مثقف ويلبس نظارات 12 بوصه((وش البوصه اصلا!!)) يعني نظارات اكبر من وجهه .. ما يضحك كثير بس يبتسم أكتر .. شكله كذا يخليك ترتاح له وتشكي له .. عادة تلقي عنده الحل .. لو مالقيت الحل أهم شيء ترتاح .. و كمان هو كتوم .
نياهاهاها :
إنسان شرررير .. يمووووت في النذالة والشر .. قمة الونا سه عنده . يرج علبة بيبسي ويعطي غيره يفكه له .. عيونه يطلع منها شرر .. مركب ضروس ذهب عشان إذا ضحك تلمع وتقهر أزود أحسن طريقه للتعامل مع هالنوعيه هو العمل بالمثل "ابعد عن الشر وغني له" .. لكن مهما حاولت تبتعد عنه هو بيجيك لأنه يموووت ويسوي فيك مقلب .. لكن انتبه تعطيه فرصه يقهرك .. لأنه لو ما قهر احد يصدع راسه .. الله يعين اللي حوله عليه
هههاااهاهااهاهههااههه بالحوسه هذه:
إنسان مضيع بمعنى الكلمه .. يعني لو تسأله عن اسمه قال ممكن الاتصال بصديق عشان الموضة يعني .. إذا مضطر تدخل غرفته .. افتح الباب من بعيد عشان لا قدر الله ممكن يطيح على راسك شيء ... العلك ( اللبان ) ما ينزل من فمه ويقعد يمدغ فيه بعد يعني يمسك طرف العلكه بسنه والطرف الثاني بيده وهات يا تمعيط ويلوي فيه ويسوي حركات بهلوانيه إنسان لو تصفق فيه وتهزئه ما درا عنك يحسبك تتكلم عن ولد الجيران .. الدنيا ما قامت ولا قعدت عنده .. الشيء الوحيد اللي يستفزه انك تتكلم على أمه أو أبوه يقالك بار .. وهو كيس الزبالة يعفن عند الباب ما طلعه
:هه هه هه هه هه
انسان متردد .. يفكر 60 مرره قبل لا يسوي شيء .. رومانسي .. يراعي مشاعر الآخرين .. خدوم يحب يساعد حتى لو ما يقدر يدبرها باللي هوبه .. إن صادفك احد من هالنوع تمسك فيه بيدينك ورجولك لان النوعية هذي نادرة
كعكعكعكعكعكعكع :
انسان "دب" "فيل" يتراوح وزنه ما بين 100 -150 كيلو متر مربع لا عفوا تكعيب .. استمد ضحكته من كثر الأكل .. كريم جدا لحد الإسراف خصوصا إذا كانت السالفة فيها أكل .. ما يطلع من البيت إلا وجيوبه مليانه .. علب ببسي وفش فاش ((ياقدمي)) اللي يجلس معه بيزيد 5 كيلو/ ساعة
أماكنه المفضلة : السوبر ماركت - المطاعم - أينما تواجد الأكل .. لكن في نفس الوقت نفسه عزيزة يعني موب مثل أشعب مشفوح .. كيفيه التعامل مع الأشخاص .. أهم شيء اجلس بعيد عنه خوفا على عظامك لا تخلخل لأنه عاده يصاحب هذه الضحكه حركه سريع باليد .. مع ذلك خفيف دم ووسيع صدر .. وأصدقائه يحبونه حتى لو قطّوا له في عشاء بس أهم شيء يجي معهم
يقولون فيه ضحكه جديدة نازله السوق وهي
هعهعهعهعهعهعهعهعهع
هذي الصراحة ما بعد شملتها دراستي ولكن اعتقد انه ضحكه واحد متقرف ..
منقول:واو:
رد مع اقتباس
[/mark]
